Jon daviedaŭsia ad susiedki, što taja atrymaje 100 młn. rubloŭ strachavoj vypłaty za dom, jaki zhareŭ u vyniku pažaru. Pryčym takaja suma naležyć usim asobam, jakija žyli ŭ domie. 

Paśla hetaha mužčyna vyrašyŭ spalić dom svaich pamierłych baćkoŭ, u jakim jon žyŭ, i atrymać strachoŭku ŭ 500 młn. rubloŭ, častku ź jakich mieŭ namier patracić na budaŭnictva dla siabie maleńkaha doma, astatniaje — na žyćcio. 

Viečaram 1 sakavika 2014 hoda viaskoviec u stanie ałkaholnaha ap`ianieńnia padpaliŭ na kuchni štoru i abrus na stale. Paśla hetaha mužčyna vyjšaŭ z doma i naziraŭ za pažaram. 

Zatym jon spałochaŭsia i pasprabavaŭ patušyć ahoń. Kali heta jamu nie ŭdałosia, pabieh u pažarnuju słužbu ŭ susiedniuju viosku. 

Supracoŭniki MNS likvidavali pažar. Ahniom byli paškodžanyja dach, pierakryćcie, unutranaje azdableńnie pakojaŭ, majomaść. Suma ŭronu skłała 91 młn. 821 tys. rubloŭ. 

10 listapada 2014 hoda sud Kobrynskaha rajona pryznaŭ jaho vinavatym u naŭmysnym źniščeńni majomaści, učynienym ahulnaniebiaśpiečnym sposabam, u vyniku čaho mieła miesca naniasieńnie ŭronu ŭ bujnym pamiery (č. 2 art. 218 KK), i pryhavaryŭ da troch hadoŭ pazbaŭleńnia voli z adbyvańniem pakarańnia ŭ kałonii ŭzmocnienaha režymu. Pa rašeńni suda abvinavačvanamu pryznačana prymusovaje lačeńnie ad chraničnaha ałkahalizmu. 

Jak zaznačyła Fiłonik, padpaleny dom pa zaviaščańni baćkoŭ mužčyny naležyć trom jaho rodnym siostram, jakija nie zajaŭlali patrabavańnia ab kampiensacyi materyjalnaha ŭronu. 

9 studzienia sudovaja kalehija pa kryminalnych spravach Bresckaha abłasnoha suda pakinuła pryhavor bieź źmianieńnia, i jon nabyŭ zakonnuju moc.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?