Pracoŭny kabiniet kanclera Hiermanii Anhieły Mierkiel vyhladaje niezvyčajna ścipła: na niedarahim stale tolki telefony, manitor, vizitoŭnica, lampa i hłobus. Nijakich tabie pazałočanych pres-papje, jakimi zastaŭlenyja kabiniety postsavieckich kiraŭnikoŭ dziaržaŭ.
Nie adroźnivajecca raskošaj i załatym azdableńniem i kabiniet Baraka Abamy. Na samaj spravie prezident ZŠA va ŭsim viadomym Avalnym kabiniecie pracuje vielmi redka. Jaho realnaje pracoŭnaje miesca našmat ściplejšaje.
A voś novy kabiniet Łukašenki ŭ Pałacy Niezaležnaści abstaŭleny z šykam. Tut i ahromnistyja lustry, i kaštoŭnaja mebla, i vialiki televizar. I navat 21-calevy Apple ź biespravadnoj kłavijaturaj.
Nie abvinavaciš u ścipłaści i Pucina. U prezidenta Rasii — niekalki kabinietaŭ, ale ŭsie jany vyhladajuć prykładna adnolkava. Ich vyhlad daje zrazumieć, što Uładzimir Pucin zusim nie prosty čałaviek.
Raskošny kabiniet dastaŭsia ŭ spadčynu ad Janukoviča i ciapierašniamu prezidentu Ukrainy Piatru Parašenku. Na masiŭnym stale — małachitavy piśmovy prybor, pazałočany piasočny hadzińnik i taršer z marmurovaj nožkaj, z techniki — stacyjanarny kamputar i nievialiki płanšet Apple.
