Jeŭrapiejski Sajuz źbirajecca aficyjna abvinavacić «Hazprom» u parušeńni antymanapolnaha zakanadaŭstva. Pra heta paviedamlaje Ahienctva France Press sa spasyłkaj na ŭłasnyja krynicy. Pavodle źviestak Frans pres, heta pavinna adbycca ŭžo ŭ hetuju sieradu.

Jeŭrakamisija raspačała hetuju spravu jašče ŭ 2012 hodzie.

Jeŭrapiejskaja supolnaść abvinavačvaje «Hazprom» u manapaliźmie na rynkach Centralnaj i Uschodniaj Jeŭropy. Pakarańniem za heta moža stać štraf u pamiery 10% ad hadavoha prybytku kampanii ŭ krainach Jeŭrasajuza. Prybytak hety składaje pryblizna 93 miljardy jeŭra. Takim čynam, štraf moža skłaści 9,3 młrd jeŭra.

Adnačasova Jeŭrakamisija rychtuje stvareńnie Enierhietyčnaha sajuza, kab palepšyć umovy zakupak hazu.

Raniej Jeŭrakamisija štrafavała za parušeńnie pryncypaŭ kankurentnaści amierykanskuju kampaniju «Majkrasoft». Ciapier viadziecca rasśledavańnie suprać «Huhła».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?