Sudździa Leninskaha rajonnaha suda Hrodna Alena Piatrova pa vynikach słuchańniaŭ 22 krasavika pryznała hrodzienskich žurnalistaŭ vinavatymi ŭ parušeńni art. 22.9 KaAP za toje, što jany zrabili dla telekanała «Biełsat» biez akredytacyi ŭ MZS Biełarusi videasiužet pra vystavu słuckich pajasoŭ u Hrodzienskim muziei historyi relihii.

Jak raspavioŭ Aleś Dzianisaŭ, słuchańni zaniali kala 15 chvilin. Sudździa adznačyła, što prysudžaje minimalnaje pa art. 22.9. č.2 KaAP pakarańnie, niahledziačy na toje, što Dzianisava i Kirkieviča nie ŭpieršyniu pryciahvajuć da adkaznaści za parušeńnie hetaha artykuła. (Alesia Dzianisava ŭ 2014 h. štrafavali, a Alesiu Kirkieviču ŭ 2013-m vynosili aficyjnaje papiaredžańnie.)

Na siońnia ŭžo 10 biełaruskich žurnalistaŭ aštrafavanyja pavodle art. 22.9 č.2 KaAP («niezakonny vyrab i raspaŭsiud pradukcyi ŚMI») ciaham 2015 hoda.

Ahulnaja suma prysudžanych im štrafaŭ składaje na 22 krasavika 49 młn 680 tys. rubloŭ. Adnu z hetych spravaŭ (Tamary Ščapiotkinaj) sud budzie pierahladać. Jašče na dvaich žurnalistaŭ – Kastusia Žukoŭskaha i Alinu Litvinčuk – dniami składzienyja novyja pratakoły pa tym ža artykule.

***

Art. 22.9. KaAP: «Parušeńnie zakanadaŭstva ab srodkach masavaj infarmacyi».

Č.2. art 22.9 KaAP: «Parušeńnie vyznačanaha paradku rassyłki abaviazkovych biaspłatnych asobnikaŭ pieryjadyčnych drukavanych vydańniaŭ, raspaŭsiudu eratyčnych vydańniaŭ, apublikavańnia srodkam masavaj infarmacyi abviaržeńnia, a roŭna niezakonny vyrab i raspaŭsiud pradukcyi srodkaŭ masavaj infarmacyi».

Štraf – ad 20 da 50 bazavych vieličyniaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?