U pracy vystavy voźmuć udzieł Śviatłana Aleksijevič, Natałka Babina, Aleś Navaryč,Natalla Marčanka, Uładzisłaŭ Achromienka,Artur Klinaŭ, Andrej Chadanovič, Ihar Łohvinaŭ.
Bolšaść biełaruskich imprezaŭ projduć 24 krasavika. Tavarystva ŭkrainskaj litaratury pry Sajuzie biełaruskich piśmieńnikaŭ prezentuje biełaruska-ŭkrainski almanach «Sprava». Na prezentacyi knih vydaviectva «Krok» adbudziecca biełaruska-ŭkrainski paetyčny vystup z udziełam Aleny Ściepanienki, Illi Stranhoŭskaha, Siarhieja Pryłuckaha, Juryja Zavadzkaha i Źmitra Łazutkina. Artur Klinaŭ zładzić aŭtohraf-sesiju z nahody vychadu knihi «Škłatara». Siarhiej Žadanprezentuje knihu «Ŭkrainskija avijalinii» na biełaruskaj movie, a Andrej Chadanovič — knihu «Biłoruśkij mužčina» na ŭkrainskaj. Taksama adbudziecca prezentacyja ramanu Śviatłany Aleksijevič «Čas Second-Hand», vypuščanaha vydaviectvam «Duch i Litiera».
25 krasavika vydaviec Ihar Łohvinaŭ pračytaje lekcyju «Cenzura i knižny biznes».
Siarod inšaha na vystavie možna budzie pabačyć stvorany dla vydaŭcoŭ i litaraturnych ahientaŭ kataloh «Books from Belarus / Knihi ź Biełarusi» z anatacyjami tvoraŭ Vasila Bykava, Alesia Razanava, Viktara Kaźko, Barysa Piatroviča, Uładzimiera Niaklajeva, Ihara Babkova, Aleny Bravy, Adama Hlobusa, Uładzimiera Arłova, Ludmiły Rubleŭskaj, Alhierda Bachareviča i Ŭładzimiera Kazłova.
Books from Belarus — heta supolnaja inicyjatyva niezaležnych vydaŭcoŭ Biełarusi, siarod jakich Sajuz biełaruskich piśmieńnikaŭ, 34mag.net i Litaraturny dom «Łohvinaŭ». Meta kampanii — prasoŭvańnie ajčynnaj litaratury na suśvietnym knižnym rynku, naładžvańnie suviaziaŭ i kamunikacyi ź litaraturnymi ahientami dy vydaŭcami ź inšych krain, farmavańnie intelektualnaha imidžu Biełarusi za miažoj. Letaś prajekt Books from Belarus uziaŭ udzieł u Frankfurckim i Varšaŭskim knižnych kirmašach.
Adras knižnaj vystavy ŭ Kijevie: vuł. Łavrśka, 10-12. Stend Books from Belarus — pad numaram D-11.
«Knižny Arsenał» — adna z najbujniešych ukrainskich vystavaŭ-kirmašoŭ, jakaja źbiraje bolš za 150 vydaviectvaŭ. Sioleta vystava ładzicca piaty raz.
