fota Radyjo Svaboda
Žurnalist, były redaktar «Našaj Nivy» Siarhiej Dubaviec staŭ pieršym łaŭreatam premii imia Alaksandra i Maryi Stahanovičaŭ (prysudžajecca ŭ halinie «non-fikšn — nieprydumanaj litaratury») za knihu «Majstroŭnia. Historyja adnaho cudu».
Cyrymonija ŭručeńnia adbyłasia siońnia, 22 krasavika, u Minsku.
Kniha «Majstroŭnia. Historyja adnaho cudu» była vypuščana «Radyjo Svaboda» ŭ 2012 h. i raspaviadaje pra historyju i ludziej Biełaruskaj śpieŭna-dramatyčnaj majstroŭni — abjadnańnia biełaruskaj moładzi ŭ 1980-ch.
Druhaja premija prysudžana paśmiarotna Hienadziu Kisialovu za knihu «Smak biełaruščyny» (Minsk: Limaryus, 2013), treciaja premija prysudžana Andreju Fiedarenku za knihu «Siečka» (Minsk, Halijafy, 2012).
***
Alaksandr (1890 — 1988) i Maryja (1898 — 1995) Stahanovičy — dziejačy emihracyi. Dla padtrymki nieprydumanaj litaratury i jaje aŭtaraŭ ŭ Biełarusi ich dačkoj, mastačkaj ź Ńju-Jorka Tamaraj Stahanovič-Kolbaj, jakaja žadała taksama ŭšanavać pamiać pra baćkoŭ, była zasnavana heta ŭznaharoda.
Pieršaja premija była ŭručana za knihi, nadrukavanyja ŭ Biełarusi na biełaruskaj movie ŭ 2011—2014 hh.
Partniorami ŭ arhanizacyi konkursu i ŭručeńni premii vystupili: Biełaruski instytut navuki i mastactva, HA «Sajuz biełaruskich piśmieńnikaŭ», MHA «Zhurtavańnie biełarusaŭ śvietu «Baćkaŭščyna», vydaviectva «Limaryus».
