Pavodle pradstaŭnika prakuratury Frankfurta-na-Majnie, u noč na čaćvier, 30 krasavika, palicejski śpiecnaz zatrymaŭ padazronych muža i žonku, pieradaje Deutsche Welle.
U ich kvatery była znojdzienaja prydatnaja da vykarystańnia bomba. Pakul niezrazumieła, ci płanavali hetyja dvoje padarvać jaje padčas tradycyjnaha viełaprabiehu vakoł Frankfurta 1 maja.
Vobšuk u kvatery terarystaŭ. Fota www.dw.de
Pavodle haziety Die Welt, adzin z aryštavanych mieŭ kantakty z sałafickimi hrupoŭkami ŭ Frankfurcie-na-Majnie i terarystyčnaj sietkaj «Al-Kaida».
Siłaviki sačyli za adnym z padazravanych, kali toj vyvučaŭ lasny ŭčastak pa maršrucie viełaprabiehu.
Paśla hetaha było pryniataje rašeńnie zatrymać padazronuju paru.
U kvatery zatrymanych, akramia bomby, było znojdziena vybuchovaje rečyva, aŭtamatyčnaja vintoŭka i bojeprypasy.
Pradstaŭnik prakuratury paćvierdziŭ, što znojdziena taksama vialikaja kolkaść pierakisu vadarodu, jakaja źjaŭlajecca bazavaj substancyjaj dla vytvorčaści vybuchoŭki.
Zatrymanyja muž i žonka patłumačyli najaŭnaść vialikaj kolkaści pierakisu vadarodu tym, što sabralisia čyścić sažałku ŭ sadzie.
