Tradycyjny letni fiestyval, što adbyvajecca na zialonym łuzie kala Mirskaha zamka, sioleta projdzie 8-ha žniŭnia. Užo viadomyja pieršyja imiony vykanaŭcaŭ, jakija vystupiać na hałoŭnaj scenie festu.
Chedłajnieram hetym razam znoŭ stanuć Nino Katamadze & Insight.
«My detalova praanalizavali vodhuki na letašni fiestyval i pryjšli da vysnovy, što Nino u nas lubiać i hatovyja słuchać jaje znoŭ i znoŭ, – tłumačyć situacyju hałoŭny arhanazitar fiestyvalu», Jahor Zacharka.
Sioleta Katamadze & Insight prezientujuć asablivuju prahramu, bo vystupiać u supravadžeńni strunnaha kvartetu «N».
Jašče adzin artyst, pryjezd jakoha aficyjna paćvierdžany — heta ONUKA. Ukrainski elektra-fołk hurt, jaki staŭ samym jarkim i paśpiachovym adkryćciom na ŭkrainskaj scenie ŭ 2014 hodzie. Prodažy i rejtynh ich debiutnaha alboma ŭ iTunes apiaredzili hurt «Akijan Elzy».
Nieŭzabavie budzie abjaŭleny jašče adzin chedłajnier i inšyja vykanaŭcy.
Pa słovach arhanizataraŭ, u hetym hodzie budzie praduhledžana arhanizacyja bas-turaŭ z čatyroch haradoŭ: Bresta, Hrodna, Homiela i Minska. Hości ź inšych haradoŭ zmohuć dajechać ź Minska na maršrutnych taksi, a taksama na elektryčcy. Na fiestyvali budzie praduhledžanaja zona fud-korta. Arhanizatary abiacajuć, što hałodnym fiestyval nie pakinie nikoha. Zastacca na noč hości zmohuć nie tolki ŭ chostele, mini-hateli i adnoj z troch ahrasiadzibaŭ — jak i letaś, budzie prapanavana śpiecyjalnaja terytoryja pad namiotavy haradok.
Kvitki na fiestyval ad zaŭtra možna budzie kupić na sajcie i ŭ kasach kvitki.by pa ŭsioj Biełarusi. Jak paviedamlajuć arhanizatary, tolki zaŭtra, 8 maja, možna budzie nabyć kvitok pa śpiecyjalnaj canie — 200 tysiač rubloŭ (dalej cana budzie tolki raści).
Bolš infarmacyi pra fiestyval, a taksama pra šlachi dastaŭki raźmiaščeńnia možna znajści na aficyjnym sajcie fiestyvalu mirummusicfestival.by, a taksama ŭ aficyjnych supołkach fiestyvalu ŭ facebook i vkontaktie.
