Muzykanty ź siami jeŭrapiejskich krain śvietu vystupiać z kancertami ŭ miežach treciaha fiestyvalu «Džazavyja viečary z Bankam BiełZEB», jakija projduć u červieni ŭ centry Minska, paviedamili arhanizatary prajekta ź mižnarodnaha sacyjalna-ekanamičnaha fondu «Ideja».
Sioleta džazavy fiestyval źbiare na placoŭcy pierad kancertnaj załaj «Vierchni horad» na minskaj płoščy Svabody jak ajčynnych muzykantaŭ, tak i pradstaŭnikoŭ Vialikabrytanii, Hiermanii, Danii, Polščy, Francyi i Šviecyi. Akramia džaza, muzykanty paradujuć žycharoŭ i haściej stalicy vykanańniem kampazicyj u styli bluz, soŭł i etna.
Pieršy džazavy viečar, 6 červienia, adkryjuć datčanie — vakalist Mads Matyjas i pijanist Picier Roziendal. Uśled za imi na scenu padnimucca muzykanty šviedskaha hurtu Copro. Viečar zavieršycca vystupleńniem biełaruskaha džaz-trya Kanstancina Haračaha.
Vystupleńnie polskaj śpiavački Bieaty Pšybytak adkryje 13 červienia druhi džazavy viečar hetaha fiestyvalu. Polskich muzykantaŭ źmienić trya «Ahoń i vada» na čale z hitarystam Nhujenam Le (Francyja), trubač Kłaus Štetar (Hiermanija) i biełaruski kalektyŭ Morfe Ahaniesa Avaniesiana.
Fiestyval zavieršycca 20 červienia kancertam brytanskaha saksafanista Dzianisa Baptysta, jaki vystupić razam ź viadomymi biełaruskimi džazmenami z Apple Tea.
Prajekt «Džazavyja viečary z Bankam BiełZEB» realizujecca pry sadziejničańni Minharvykankama, pasolstva Francyi ŭ Biełarusi, Francuzskaha instytuta ŭ Paryžy, Polskaha instytuta ŭ Minsku, Franka-niamieckaha kulturnaha fondu, minskaha filijała Instytuta imia Hiote, kancertnaha ahienctva «Ekvilibryum ARTS» i muzyčnaj studyi Black Cat. Hienieralnym partnioram fiestyvalu vystupaje Bank BiełZEB.
