Krainy Jeŭrazijskaha ekanamičnaha sajuza mohuć praz hod-dva pierajści na adzinuju markiroŭku svaich tavaraŭ, paviedamiŭ 13 maja na pres-kanfierencyi ŭ Minsku siabra kalehii (ministr) pa pramysłovaści i ahrapramysłovym kompleksie Jeŭrazijskaj ekanamičnaj kamisii Siarhiej Sidorski. 

«Dumaju, praz hod-dva my možam vyjści na adzinuju markiroŭku svaich tavaraŭ, što vyrablajucca na terytoryi Adzinaha ekanamičnaha sajuza», — skazaŭ Siarhiej Sidorski. 

Jon zaznačyŭ, što najaŭnaść adpaviednaj markiroŭki («Zroblena ŭ Mytnym sajuzie» abo «Zroblena ŭ JEAES») dazvolić takoj pradukcyi bieśpieraškodna pieramiaščacca na terytoryi sajuza.

«Ź inšaha boku, heta daść našym vytvorcam mahčymaść aktyŭna prasoŭvać svaju pradukcyju pad adzinaj markaj na rynkach trecich krain», — zaznačyŭ Sidorski. Jon paviedamiŭ, što dahetul miechavyja vyraby ŭžo majuć takuju markiroŭku. 

Pry hetym ministr JEEK dadaŭ, što na siońnia nie ŭsie ŭdzielniki JEAES zhodnyja pierajści na adzinuju markiroŭku ŭsich tavaraŭ, što vyrablajucca na terytoryi sajuza.

«Biełaruski ŭrad hetu inicyjatyvu aktyŭna padtrymlivaje. Razam z tym Kazachstan havoryć, što pakul nie hatovy na heta pajści», — kanstatavaŭ Sidorski.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?