Śledčy kamitet spyniŭ spravu pavodle artykuła 281 KK (niezakonnaja zdabyča ryby), adnym ź fihurantaŭ jakoha byŭ žychar Pietrykava, na momant złačynstva prakuror rajona.
«Ciapier papiaredniaje rasśledavańnie pa kryminalnaj spravie zavieršana, i ŭ suviazi z najaŭnaściu padstaŭ, praduhledžanych p. 1 č. 1 art. 30 KPK, heta značyć u suviazi ź dziejnym raskajańniem, spyniena», — paviedamiła BiełaPAN aficyjny pradstaŭnik SK Julija Hančarova.
Pavodle jaje słoŭ, škoda ad niezakonnaj rybałki pakrytaja ŭ poŭnym abjomie.
U kastryčniku 2014 hoda prakuror Pietrykaŭskaha rajona byŭ zatrymany za niezakonnuju łoŭlu ryby razam ź inšymi hramadzianami. Pavodle nieaficyjnaj infarmacyi, u staršaha savietnika justycyi byli kanfiskavanyja try sietki i niezakonna vyłaŭlenaja ryba, uron pryrodzie skłaŭ 327 bazavych vieličyń, ci 49 młn. rubloŭ.
