U hadavinu pa Anatolu Kudraŭcu — piśmieńniku, redaktaru, publicystu — blizkija, siabry i kalehi tvorcy sabralisia ŭ centry stalicy ŭ kaviarni Netto, kab ušanavać pamiać Anatola Paŭłaviča, a taksama prezientavać jaho prazaičnuju knihu «Ziaziula prakukuje zaŭtra».
Miemaryjalny viečar byŭ arhanizavany svajakami litaratara i HA «Sajuz biełaruskich piśmieńnikaŭ».
— Hod tamu nie stała Anatola Paŭłaviča, i ŭ nas usich ź im źviazanyja samyja ciopłyja ŭspaminy, — raspačaŭ viečar Staršynia HA «Sajuz biełaruskich piśmieńnikaŭ» Barys Piatrovič. — Kolki hadoŭ tamu spadar Anatol uziaŭsia dapamahčy maładoj tady redakcyi časopisa «Dziejasłoŭ», i mienavita dziakujučy jamu našaje vydańnie vychodzić i pa siońnia. Mnohija mohuć skazać pra Anatola Paŭłaviča i jak pra blizkaha, i jak pra siabra, prazaika, redaktara, arhanizatara i prosta jak pra čałavieka.
Sustreča prachodziła ŭ kamiernaj, amal siamiejnaj abstanoŭcy, biez šyrokaj publiki, tamu vystupoŭcy mieli mahčymaść vykazacca niepasredna, biez ahladki na ŭmoŭnaści. Uspaminali pra siabroŭskija «razmovy na kuchni» z Anatolem Kudraŭcom, zhadvali hłyboka asabistyja momanty.
Čytajcie repartaž i hladzicie bolej fota na sajcie lit-bel.org.
