TUT.BY skłaŭ top viadomych u dziełavych i prafiesijnych kołach spadarožnic bujnych čynoŭnikaŭ i biźniesmienaŭ. 

Śviatłana Čyž

Juryj i Śviatłana Čyž razam užo bolš za 20 hadoŭ. Adzin ź siabroŭ Alaksandra Łukašenki ažaniŭsia, kali pryjšoŭ pa raźmierkavańni na MTZ paśla instytuta. 

Pakul Juryj Čyž budavaŭ biznes-impieryju «Trajpł», jaho žonka zajmałasia vychavańniem traich dziaciej. 

Kali dzieci padraśli, Śviatłana Čyž pačała sprabavać siabie ŭ biznesie. Z časam jana stvaryła adzin z bujnych viełnies-kłubaŭ u krainie — EVO, jaki ŭklučaje mnostva zon dla rełaksacyi. 

Biźnies-darohaj pajšli i ich naščadki. Adzin z synoŭ uvajšoŭ u naziralnuju radu Minskaha zavoda pienistych vinaŭ. Dačka padałasia ŭ restaranny i hatelny biznes, atrymaŭšy adukacyju ŭ Šviejcaryi.

Natalla Kandracienka

Eks-kiraŭnik «BPS-Śbierbanka» i ciapierašni pieršy vice-premjer Vasil Maciušeŭski nie pieršy hod vyłučajecca ź biełaruskich bankiraŭ i čynoŭnikaŭ vyklučna stylnymi kaściumami i aksesuarami.

Mahčymaja krynica jaho harderobnaha natchnieńnia i ŭmieńnia spałučać składany malunak pinžaka, halštuka i kašuli stała zrazumiełaj, kali pobač ź im pačała źjaŭlacca prafiesijnaja dyzajnierka vopratki, top-mieniedžarka kampanii Deluxe Group, sałona juvielirnych upryhožvańniaŭ, hadzińnikaŭ i aksiesuaraŭ kłasa luks Natalla Kandracienka.

Natalla reprezientavała Biełaruś na konkursie «Misis śvietu — 2003» i nieadnarazova traplała ŭ topy samych paśpiachovych i pryhožych ludziej Minska.

Pieršaja žonka Maciušeŭskaha była z prafiesarskaj siamji. Alena Davydzienka vučyłasia palityčnaj ekanomii ŭ BDU na kurs raniej za budučaha vice-premjera i bankira. Jaje baćka ŭ kancy 1990-ch byŭ hałoŭnym daradcam u premjer-ministra Siarhieja Linha. Ciapier Davydzienka pracuje na fakultecie mižnarodnych adnosin BDU. Niekalki hadoŭ tamu jana stała doktaram ekanamičnych navuk

Inesa Zacharevič

Kiraŭnik «Pryjorbanka» Siarhiej Kaściučenka byŭ praciahły čas žanaty z aktrysaj teatra imia Horkaha Alenaj Unukavaj. Jany paznajomilisia ŭ teatry, dzie Alena źziała ŭ śpiektakli «Vaŭki i aviečki». Na scenie jana spakušała hieroja Raścisłava Jankoŭskaha — zaŭziataha chałaściaka i žančynanienaviśnika. Nie vystajaŭ i Siarhiej Alaksandravič, jaki adrazu razhladzieŭ u Alenie rodnuju dušu. 

Ich historyju kachańnia tyražavała presa. «Jakija b piruety ni vypisvaŭ los za 14 hadoŭ ich adnosin, siońnia jany ćviorda viedajuć adno: jany razam, i jany — siamja, što b ni zdaryłasia», — pisała «Komsomolskaja pravda» ŭ 2012 hodzie. 

Zrešty, užo kala dvuch hadoŭ Kaściučenku bačać u kampanii Inesy Zacharevič.

Uładalnica dźviuch vyšejšych adukacyj («Hienietyka i bijatechnałohija» u BDU i «Ekanomika i finansy» u BDEU) svaju karjeru pačała z supracoŭnictva z zamiežnymi kampanijami ŭ śfiery tavaraŭ masavaha spažyvańnia. U 2003 hodzie pierśpiektyŭnaha śpiecyjalista zaprasili na pracu ŭ hrupu kampanij «Trajpł». Jak pisaŭ časopis «Dieło», liderskija jakaści, pracazdolnaść i prafiesijanalizm dazvolili Inesie Zacharevič dasiahnuć pastaŭlenych metaŭ. Asnoŭnym jaje prajektam stała raźvićcio handlovaj sietki ProStore. 

Kažuć, nieŭzabavie paśla taho jak Kaściučenka i Zacharevič pačali sustrakacca, spadarožnica bankira vymušana była pakinuć «Prastor» z-za taho, što sietka absłuhoŭvałasia ŭ «Pryjorbanku». 

Alaksandra Muchajeva

Alaksandra Muchajeva hod tamu vyjšła zamuž za adnaho z samych zajzdrosnych chałaściakoŭ krainy, pasła Biełarusi ŭ Francyi Paŭła Łatušku. Da hetaha ŭładalnica stupieni MVA i niekalkich dypłomaŭ ab vyšejšaj adukacyi, jakaja vałodaje anhielskaj, niamieckaj i kitajskim movami, zrabiła karjeru ŭ kampanii «BiełDarCiažTrans», jakaja śpiecyjalizujecca na pieravozkach niehabarytnych i ciažkavahavych hruzaŭ.

Darečy, papiaredniaja žonka Łatuški ciapier zamužam za pamočnikam prezidenta Maksimam Ryžankovym.

Iryna Ciareščanka

Šyrokaja viadomaść da dački ŭładalnika «Bielita-Viteks» Viktara Ciareščanki pryjšła paśla saraka. U hety čas Iryna Ciareščanka stała śpiavačkaj Itejra i naradziła dačku. Baćkam dziciaci akazaŭsia biznesmien Artur Fieniuk. Jon raźvivaje deviełapierski biznes u centry Minska.

Fota: Siarhiej Hapon, kp.by.

Fota: Siarhiej Hapon, kp.by.

Zrešty, biźnies-zasłuha Iryny Ciareščanki ŭ inšym — jana stvaryła sietku sałonaŭ pryhažości pad nazvaj «Itejra», zajmajučysia adnačasna dystrybucyjaj impartnaj kaśmietyki.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?