Žyvoje vykanańnie pieśni na fiestyvali ŭ Maładziečnie ŭ 2011 hodzie.

XV Nacyjanalny fiestyval biełaruskaj pieśni i paezii ŭ Maładziečnie musiła adkryć pieśnia na vierš Leanida Prančaka i muzyku Ihara Palivody «Maładziečna». Ale vykonvać jaje čarhovy raz zabaraniła ŭdava kampazitara Volha Palivoda, paviedamlajuć Naviny.by.

Jak raspaviała redaktar kancerta-adkryćcia Ludmiła Pałkoŭnikava, udava kampazitara vystaŭlaje vyklučna finansavyja patrabavańni.

Pavodle jaje słoŭ, Palivoda raniej vystaŭlała da telekanała STV, što vioŭ zapis kancertu, «niaŭzdymnyja finansavyja patrabavańni», a arhanizataram kancertu prapanoŭvała «akazać sponsarskuju prapanovu ŭ vyhladzie pradukcyi adnoha z pradpryjemstvaŭ horada».

Arhanizatary pajšli na maksimalnyja ŭstupki Palivodzie, śćviardžaje Pałkoŭnikava, ale pieršaja to dazvalała, to zabaraniała vykarystańnie pieśni. Apošniaja admova pastupiła za hadzinu da kancertu.

Palivoda raniej patrabavała «niepamiernuju sumu» z «Biełaruskich pieśniaroŭ» za vykanańnie pieśni «A ŭ poli biaroza», zhadvajuć Naviny.by. U vyniku pieśnia pierastała hučać na kancertach ansambla.

Клас
0
Панылы сорам
0
Ха-ха
0
Ого
0
Сумна
0
Абуральна
0