Pra heta paviedamiŭ na pres-kanfierencyi ŭ Minsku pieršy namieśnik ministra adukacyi Vadzim Bohuš.

Pryjom dakumientaŭ na biudžetnyja miescy ŭ vočnaj (dzionnaj, viačerniaj) abo zavočnaj, u tym liku dystancyjnaj formach, u dziaržaŭnych VNU pradoŭžycca z 8 pa 15 lipienia. Pry hetym pa zavočnaj formie ŭ VNU sielskahaspadarčaha profilu svaje terminy — z 1 pa 30 listapada. Terminy ŭstanoŭleny i dla tych, chto choča atrymać vyšejšuju adukacyju za košt srodkaŭ jurydyčnych asob, indyvidualnych pradprymalnikaŭ, fizičnych asob abo ŭłasnych srodkaŭ. Ad asob, jakija vykazali žadańnie atrymać vyšejšuju adukacyju na płatnaj asnovie i zdajuć ustupnyja ispyty va ŭstanovy vyšejšaj adukacyi (UVA), u vočnaj i zavočnaj formach atrymańnia adukacyi (akramia zavočnaj formy atrymańnia adukacyi sielskahaspadarčaha profilu), dakumienty buduć prymacca z 8 pa 15 lipienia; u zavočnaj formie atrymańnia adukacyi va UVA sielskahaspadarčaha profilu — z 1 pa 30 listapada.

Asoby, jakija vykazali žadańnie pastupić va UVA na płatnaj asnovie i nie zdajuć ustupnyja ispyty va UVA, za vyklučeńniem zamiežnych hramadzian i asob biez hramadzianstva, mohuć padać dakumienty ŭ nastupnyja terminy. U vočnaj (dzionnaj) abo zavočnaj formach atrymańnia adukacyi va ŭstanovach adukacyi «Akademija Ministerstva ŭnutranych spraŭ Respubliki Biełaruś», «Mahiloŭski instytut Ministerstva ŭnutranych spraŭ Respubliki Biełaruś», «Kamandna-inžynierny instytut» Ministerstva pa nadzvyčajnych situacyjach Biełarusi, «Homielski inžynierny instytut» Ministerstva pa nadzvyčajnych situacyjach — z 8 pa 29 lipienia. U vočnaj (dzionnaj) abo zavočnaj formach atrymańnia adukacyi va ŭstanovach adukacyi «Biełaruskaja dziaržaŭnaja akademija mastactvaŭ», «Biełaruskaja dziaržaŭnaja akademija muzyki», «Biełaruski dziaržaŭny ŭniviersitet kultury i mastactvaŭ» — z 8 pa 31 lipienia. U vočnaj abo zavočnaj formach atrymańnia adukacyi ŭ inšych UVA (akramia zavočnaj formy atrymańnia adukacyi va UVA sielskahaspadarčaha profilu) — z 8 lipienia pa 2 žniŭnia. U zavočnaj formie atrymańnia adukacyi va UVA sielskahaspadarčaha profilu — z 1 pa 30 listapada.

Pastanovaj ustanoŭleny nastupnyja terminy praviadzieńnia ŭstupnych ispytaŭ dla atrymańnia vyšejšaj adukacyi za košt srodkaŭ biudžetu i na płatnaj asnovie. U Akademii Ministerstva ŭnutranych spraŭ Respubliki Biełaruś, Mahiloŭskim instytucie Ministerstva ŭnutranych spraŭ Respubliki Biełaruś, Kamandna-inžyniernym instytucie Ministerstva pa nadzvyčajnych situacyjach Respubliki Biełaruś, Homielskim inžyniernym instytucie Ministerstva pa nadzvyčajnych situacyjach Respubliki Biełaruś na vočnuju (dzionnuju) i zavočnuju formy atrymańnia adukacyi — z 16 pa 19 lipienia, u Biełaruskaj dziaržaŭnaj akademii mastactvaŭ, Biełaruskaj dziaržaŭnaj akademii muzyki, Biełaruskim dziaržaŭnym univiersitecie kultury i mastactvaŭ na vočnuju (dzionnuju) i zavočnuju formy atrymańnia adukacyi — z 16 pa 25 lipienia, u inšych VNU na vočnuju i zavočnuju formy atrymańnia adukacyi (akramia zavočnaj formy atrymańnia adukacyi va UVA sielskahaspadarčaha profilu) — z 16 pa 21 lipienia. U VNU sielskahaspadarčaha profilu na zavočnuju formu atrymańnia adukacyi — z 1 pa 20 śniežnia.

Zaličeńnie abituryjentaŭ na biudžetnyja miescy ŭ VNU MUS i MNS, a taksama ŭ Instytucie pahransłužby i Vajennaj akademii projdzie pa 23 lipienia, u dziaržaŭnych akademijach mastactvaŭ, muzyki i ŭniviersitecie kultury — pa 29 lipienia, a ŭ inšych VNU — pa 25 lipienia (zavočnaja forma sielhasprofilu — pa 25 śniežnia). Što datyčycca miesc dla atrymańnia adukacyi na płatnaj asnovie, to ŭ VNU siłavoha błoka — pa 30 lipienia, u VNU śfiery kultury — pa 1 žniŭnia, va ŭsich astatnich — pa 4 žniŭnia (zavočny sielhasprofil — pa 25 śniežnia).

U Biełarusi na 22 piedahahičnyja śpiecyjalnaści miedalisty i pieramožcy alimpijad mohuć pastupać biez ekzamienaŭ. Pieralik piedśpiecyjalnaściej, pry pastupleńni na jakija zaličvajucca biez ustupnych ispytaŭ asobnyja katehoryi abituryjentaŭ pa rekamiendacyi ŭstanoŭ adukacyi, dzie jany vučylisia, zaćvierdžany pastanovaj Minadukacyi jašče ŭ 2014 hodzie. Siarod vostradeficytnych śpiecyjalnaściej — daškolnaja i pačatkovaja adukacyja, historyja i hramadaznaŭčyja dyscypliny, bijałohija, chimija, hieahrafija, matematyka, infarmatyka, fizika, techničnaja tvorčaść, biełaruskaja mova i litaratura, ruskaja mova i litaratura, techničnaja praca i pradprymalnictva, absłuhovaja praca, vyjaŭlenčaje mastactva, łahapiedyja, surdapiedahohika, tyfłapiedahohika, alihafrenapiedahohika, sacyjalnaja piedahohika i inš. Z poŭnym śpisam śpiecyjalnaściej možna aznajomicca na partale Ministerstva adukacyi.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?