Staršynia KDB Valeryj Vakulčyk pryznaŭ, što pa spravie «Motavieła» zatrymanyja šaściora čałaviek. Siarod ich – biznesmien Alaksandr Muraŭjoŭ, jaki pradstaŭlaŭ aŭstryjskuju kampaniju ATEC.

Aŭstryjcy stali ŭłaśnikam zavoda ŭ žniŭni 2007 hoda, atrymaŭšy 99,72% za $7,3 miljona. Inviestar abaviazaŭsia ŭkłaści ŭ raźvićcio pradpryjemstva $20 miljonaŭ.

Jakija finansavyja pakazčyki demanstravała «Motavieła» padčas znachodžańnia va ŭłasnaści Alaksandra Muraŭjova?

Pavodle dadzienych Ministerstva finansaŭ, za 2007-2014 hady, «Motavieła» atrymała čystych strataŭ $16,4 miljona. Vytvorčaść pradukcyi davała nievialiki plus, ale šmatmiljonnyja inviestycyi abciažarvali finansavyja spravazdačy zavoda.

Što źmianiłasia ŭ pracy zavoda kardynalna, dyk heta kolkaść rabotnikaŭ. Pa stanie na 2007 hod, kali pryjšoŭ Muraŭjoŭ, na «Motavieła» pracavała 2500 čałaviek. U vyniku aptymizacyi vytvorčaści ličba štohod źmianšałasia i letaś apuściłasia da 179 čałaviek. Apošnija dva hady zavod pakazvaŭ stanoŭčyja finansavyja vyniki.

Adnak skaračeńnie rabotnikaŭ supiarečyć dziaržaŭnaj palitycy. «Ahulnyja rynkavyja tendencyi kažuć pra toje, što kali jość pieravytvorčaść, treba hetu vytvorčaść zhortvać, ludziej vykidvać na vulicu, šukać niejkija novyja vychady ź situacyi. Heta suśvietnaja tendencyja, ale my nie idziem pa hetym šlachu. Prezidentam pastaŭlena zadača zachavać kalektyvy», – patłumačyŭ namieśnik staršyni Minharvykankam Ihar Karpienka.

U jakaści prykłada jon pryvioŭ bujnyja aŭtamabilnyja zavody: «Dapuścim, MAZ, MTZ, tam 20 tysiač čałaviek pracujuć. I voś skaraciłasia 5 tysiač čałaviek, a na jakija miescy ich uładkavać?»

Nahadajem, letaś MAZ i MTZ atrymali sumiesnyja straty amal $250 miljonaŭ.

* * *

Finansavyja pakazčyki dziejnaści «Motavieła»

Hod

Kolkaść rabotnikaŭ

Prybytak

2006

2685

-$2,21 miljona

2007

2500

-$786 tysiač

2008

2005

-$15,35 miljona

2009

897

$7,28 miljona

2010

645

-$1,58 miljona

2011

508

$27 tysiač

2012

465

-$6,39 miljona

2013

428

$325 tysiač

2014

179

$110 tysiač

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?