U Biełarusi najmalniki prapanujuć šeść vakansij z zarpłataj Br30—37 młn, try vakansii — Br45—49 młn i adnu — z zarpłataj Br85 młn u miesiac, paviedamili va ŭpraŭleńni palityki zaniataści Ministerstva pracy i sacyjalnaj abarony.

Samy vysoki ŭzrovień apłaty pracy dla saiskalnika (Br85 młn) — u adnym z TAA ŭ Minsku, dzie patrabny dyrektar pa techničnych pytańniach, jaki budzie svabodna vałodać anhlijskaj i ŭkrainskaj movami. Jość mahčymaść pracaŭładkavacca na zarpłatu Br49 młn u adnu z kampanij Kitajska-biełaruskaha industryjalnaha parka «Vialiki kamień» (Smalavicki rajon Minskaj vobłaści) — tam patrebny hienieralny dyrektar z vopytam raboty ŭ halinie łahistyki i viedańniem kitajskaj movy. Pryvabnaj źjaŭlajecca i vakansija hienieralnaha dyrektara ŭnitarnaha pradpryjemstva ŭ Minsku — z zarpłataj Br45 młn 882 tys. (pretendentu na hetu pasadu nieabchodna mieć vopyt raboty ŭ bujnych budaŭničych arhanizacyjach, viedać sierbskuju, słavienskuju i anhlijskuju movy). AAT «Avijakampanija «Biełavija» prapanuje zarpłatu Br45 młn dla kamandzira (piłota, lotčyka) pavietranaha sudna — instruktara ź viedańniem zamiežnych moŭ.

1 červienia źjaviłasia prapanova ad ZTAA ŭ Minsku, jakomu patrabujecca adrazu 10 inžynieraŭ-prahramistaŭ ź viedańniem anhlijskaj i ŭkrainskaj moŭ — z zarpłataj Br30 młn kožnamu.

Pavodle danych na 5 červienia biahučaha hoda, u ahulnarespublikanskim banku vakansij naličvałasia 25,4 tys. svabodnych rabočych miesc (darečy, heta ŭdvaja mienš, čym było hod tamu).

Kožnaja treciaja vakansija — u Minsku (amal 7,7 tys.).

U cełym pa Biełarusi bolš jak pałavina ŭsich vakansij pryznačany dla rabočych (58,8 pracenta).

Zychodziačy sa źviestak najmalnikaŭ na pačatak červienia, u respublicy za hod udzielnaja vaha svabodnych rabočych miesc z zarpłataj Br6001…8000 tys. uzrasła z 3,5 pracenta da 4,3 pracenta, z zarpłataj Br8001…10000 tys. — z 0,8 pracenta da 1,3 pracenta. Bolš jak u dva razy ŭzrasła dola vakansij z zarpłataj zvyš Br10 młn — z 0,3 pracenta da 0,7 pracenta. Pryčym u Bresckaj i Viciebskaj abłaściach takich vakansij naohuł niama, a ŭ Minsku ich ciapier — 1,8 pracenta ad ahulnaj kolkaści svabodnych rabočych miesc. Praktyčna kožnaja treciaja vakansija ŭ stalicy — z zarpłataj Br4001…6000 tys., kožnaja dziasiataja — Br6001…8000 tys., kožnaja tryccataja — Br8001…10000 tys.

Jość, viadoma, u banku vakansij i prapanovy rabočych miesc ź nižejšaj zarpłataj: 26 pracentaŭ vakansij — Br3001…4000 tys., 21,2 pracenta — Br4001…6000 tys.

Dla sumiaščalnikaŭ i tych, chto choča pracavać niapoŭny rabočy dzień, taksama jość niamała mahčymaściej zarabić.

U cełym pa respublicy na adnu vakansiju ciapier umoŭna pretenduje 1,7 biespracoŭnaha. Pry hetym u Minsku — pa paŭtary vakansii na adnaho biespracoŭnaha.

Zarehistravanaje biespracoŭje ŭ Biełarusi za maj biahučaha hoda nie źmianiłasia — jano zachavałasia na 1 červienia na ŭzroŭni 1 pracenta da ekanamična aktyŭnaha nasielnictva.

Da hetaha ŭ respublicy adznačaŭsia rost zarehistravanaha biespracoŭja: na 1 studzienia hety pakazčyk składaŭ 0,5 pracenta, na 1 lutaha — 0,7 pracenta, na 1 sakavika — 0,8 pracenta, na 1 krasavika — 0,9 pracenta, na 1 maja — 1 pracent. Uzrastaje i kolkaść aficyjna zarehistravanych biespracoŭnych: kali na 1 sakavika 2015 hoda ich naličvałasia 35,9 tys. čałaviek, na 1 krasavika — 39 tys., na 1 maja — 43,4 tys., to na 1 červienia — 44,7 tys. (na 104,1 pracenta bolš, čym hod tamu).

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?