Minski litaratar Arnest Machin usio čaściej asacyjujecca ź cikavym hustam i vopratkaj, jakuju sam stvaraje. Litaratar-dyzajnier skončyŭ EHU pa śpiecyjalnaści «žurnalistyka» i ciapier vučycca ŭ Biełaruskim Kalehiumie na śpiecyjalnaść «fiłasofija/litaratura». Adna sa stvaralnic brenda «ZIBRA» Alaksandra Žuk ličyć, što bajki vytvorčaści Arnesta mohuć stać kultavymi siarod moładzi.

Arnest Machin

Arnest Machin

Vieta Bierman: Arnest, ty viadomy (u vuzkich kołach) jak piśmieńnik, ale taksama jak dyzajnier — hetyja śfiery vielmi tvorčyja, ale jakaja daminuje?

Arnest Machin: Adkažu tak: ja b chacieŭ stać viadomym i prafiesijnym dyzajnieram vopratki, kab była mahčymaść zajmacca litaraturaj.

VB: Brend «KUT» pačynaje być viadomy, prynamsi ŭ Minsku, dziakujučy bajkam, ale uvohule — ci šmat achvočych nabyvać brendavyja rečy? Chto jany — modnyja biełarusy?

AM: Kali b było šmat, to ja by zaraz kalasiŭ na jakim-nibudź klovym matacykle pa Hruzii (uśmichajecca).

Što nakont modnych biełarusaŭ, to ich nie isnuje. Dla mienia jość ludzi, jakija apranajucca tak, jak mnie padabajecca, jość tyja, chto sočyć za modaj i raźbirajecca ŭ joj. I takija nibyta modnyja ludzi jość pa ŭsim śviecie. A tamu jość i tut, u Minsku.

Bajki brenda «KUT»

Bajki brenda «KUT»

VB: Ci ŭ tvajho brenda jość niejkaja fiłasofija?

AM: Kali kazać pra «KUT», to, naprykład, ja suprać vykarystoŭvańnia anhlijskich słoŭ i łacinskich litar. Jany mnie nabili askominu ŭžo daŭnym-daŭno. I tamu ja vielmi lublu našy muzyčnyja hurty. Taksama ja nikoli nie źbirajusia vykarystoŭvać skuru. «KUT» — jon taki vielmi spakojny, apalityčny. Ja chaču, kab jon byŭ jak les, jaki nijak nie źviazany z tym, što ŭ horadzie, što ŭ krainie i hetak dalej. Ale ŭ mianie ni razu jašče nie atrymałasia kab było tak, jak ja chaču. Adna sprava — ŭjaŭlać, inšaja — realizoŭvać. Tamu vielmi strašna zhubić ambicyi.

VB: Čym ty natchniaješsia dla stvareńnia kalekcyi?

AM: Ja hladžu navokał.

VB: A dzie ŭvohule možna pahladzieć, nabyć tvaju vopratku? Ty robiš pakazy?

AM: Usio možna pabačyć u internecie ŭ admysłovych pablikach. Niešta ja zanošu ŭ kramu «Ŭ». Časam udzielničaju ŭ markietach ci niečym nakštałt hetaha. Nie mahu skazać dakładna pra modnyja markiety, bo vielmi nie lublu pradavać. Heta nie majo. Ja b biaspłatna addavaŭ. Nie lublu hrošy. Tamu, napeŭna, ŭ mianie nikoli ich niama.

A nakont pakazaŭ, to chaciełasia b. Ale nie ŭpeŭnieny, što paśpieŭ by sa svajoj kalekcyjaj «Novaja Ramantyka» prajści ŭsie etapy adboru, kab pakazać jaje na vosieńskim tydni mody (BFW).

VB: A jak ty navučyŭsia prajektavać vopratku, tabie niechta dapamahaje?

AM: Mnie dapamahaje maja mama. Jana ŭsio žyćcio niešta šyła.

Vopratka brenda «MACHIN»

Vopratka brenda «MACHIN»

VB: Ja zaŭvažyła, što ty stvaryŭ asobny brend «MACHIN», čym jon adroźnivajecca ad brenda «KUT»?

AM: «MACHIN» — heta rečy, jakija ja vielmi chacieŭ by zrabić dla siabie. Albo dla jakich-niebudź klovych ludziej, jakija nie paškadujuć hrošaj. Što nakont fiłasofii, to tut niama lesu, tut zusim inšaje. Ja płanuju pacichu ruchacca ŭ bok pankaŭskaha stylu z metaj prabudžeńnia ad miedyjnaha hipnozu praz zaachvočvańnia da dziejańnia. Nu, ja maju na ŭvazie ŭsialakija łozunhi i vyraznuju pazicyju. Ale hałoŭnaje adroźnieńnie ŭ tym, što heta chendmejd i ja rablu ŭsio tolki ŭ adzinkavym ekziemplary.

Vopratka brenda «MACHIN»

Vopratka brenda «MACHIN»

VB: Raspaviadzi pra svoj hust — jakija sučasnyja tendencyi ŭ modzie tabie padabajucca? Ty ŭvohule sočyš za modaj?

AM: Mnie vielmi padabajecca toje, što robić Jula Jufimčuk. Ale viedaješ, voś na prykładzie litaratury: kali pačynaješ čytać knihi, to źjaŭlajucca niejkija lubimyja aŭtary. Nu, ŭ mianie tak było. Spačatku Remark, potym Bukoŭski i hetak dalej. I kali ty čytaješ šmat, to potym stanovicca vielmi składana raspavieści pra svoj hust, bo jon raznastajny. Bo pa-roznamu byvaje. Zranku chočacca apranuć krasoŭki, a ŭviečary — tufli.

VB: Kolki hadoŭ isnujuć tvaje brendy? Što adčuvaješ na biełaruskim rynku?

AM: «KUT» dzieści paŭtara hady, a «MACHIN» dzieści čatyry miesiacy. Adčuvańni takija, što ja niaŭdačnik.

Fatazdymki publikujucca z dazvołu Arnesta Machina.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?