Francuzskaja palicyja ŭziała pad vartu dvaich kiraŭnikoŭ kampanii Uber, jakaja stvaryła mabilnuju prahramu UberPOP dla pošuku, vykliku i apłaty tannych taksi abo pryvatnych kiroŭcaŭ.

Pavvodle dadzienych Reuters, zatrymany kiraŭnik francuzskaha padraździaleńnia Uber Cibo Samfal, a taksama kiraŭnik adździaleńnia Uber u Zachodniaj Jeŭropie Pjer-Dzimitryj Hor-Kaci.

U minułuju piatnicu ministr unutranych spraŭ Francyi Biernar Kaźnioŭ zajaviŭ, što servis UberPOP pavinien być zakryty, a aŭtamabili — kanfiskavanyja, kali jany praciahnuć pieravozić pasažyraŭ.

Servis UberPop, praź jaki možna zamović bolš tanny aŭtamabil, čym tradycyjnaje taksi, užo byŭ pryznany niezakonnym u Francyi, ale praciahvaje pracavać, pakul hetaja zabarona asprečvajecca ŭ sudzie.

U kampanii Uber zajavili, što servis budzie pracavać u Francyi da taho času, pakul jaho nie zabaronić vyšejšaja sudovaja instancyja krainy.

Francuzskija taksisty, jakija płaciać tysiačy jeŭra za svaje licenzii, abvinavačvajuć Uber u niesumlennaj kankurencyi, pakolki kiroŭcy, što ažyćciaŭlajuć ź jaje dapamohaj pieravozki, nie prachodziać licenzavańnia z boku ŭładaŭ. Jany ličać, što stracili ad 30% da 40% svaich dachodaŭ za apošnija dva hady z-za rostu papularnaści Uber.

Na minułym tydni francuzskija taksisty praviali akcyju pratestu suprać pracy Uber: jany zabłakavali darohi, jakija viaduć da paryžskim aeraportaŭ, i palili šyny.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?