Aryštavanyja pravaabaronca Van Ju (źleva) i Čžoŭ Cyfień, kiraŭnik jurydyčnaj firmy Fengrui.

Aryštavanyja pravaabaronca Van Ju (źleva) i Čžoŭ Cyfień, kiraŭnik jurydyčnaj firmy Fengrui.

Aryšty zakranuli advakataŭ, što abaraniali ŭ apošnija hady dziejačoŭ kitajskaj apazicyi, aktyvistaŭ nacyjanalnych mienšaściaŭ i sialan, što pratestavali suprać niespraviadlivaściaŭ kamunistyčnaha režymu. U turmu, u pryvatnaści, trapili ŭsie supracoŭniki jurydyčnaj firmy Fengrui, što była asiarodkam baraćby za pravy čałavieka ŭ Kitai, paviedamlaje ahienctva Rojterz.

Naziralniki adznačajuć, što pry Si Czińpiniu situacyja z pravami čałavieka ŭ Kitai značna pahoršała. U pryvatnaści, u turmie zastajecca łaŭreat Nobieleŭskaj premii miru 59-hadovy Lu Siaabo. Heta jahony čaćviorty turemny termin.

Jurysty z Fengrui stali «źnikać» 9 lipienia. Paśla jany adšukalisia ŭ turmach. Bolš za 100 kaleh-advakataŭ padpisali zvarot u ich abaronu, paśla byli zatrymanyja i niekatoryja z hetych padpisantaŭ.

Kitaj zrabiŭ vialiki ekanamičny skačok, ale čałaviek u hetaj krainie zastajecca pazbaŭleny mnohich hramadzianskich pravoŭ. A ekspłuatacyja pracoŭnych u krainie časam pieraŭzychodzić usie jeŭrapiejskija ŭjaŭleńni. 

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?