Na pieramovach Jeŭrahrupy ŭ Brusieli zroblenaja prapanova, zhodna ź jakoj Hrecyja pavinna časova pakinuć jeŭrazonu. Z takim varyjantam vyrašeńnia situacyi vystupiŭ, pavodle dadzienych niamieckich ŚMI, ministr finansaŭ Hiermanii.

Zhodna z prapanovaj, Hrecyja pavinna pakinuć jeŭrazonu na piać hadoŭ. Pradstaŭniki Afin na pieramovach, adnak, abvierhli, što padobnaja ideja abmiarkoŭvałasia na sustrečy. Raniej niamieckija ŚMI napisali, što ministr finansaŭ Hiermanii Volfhanh Šojble nie ŭchvaliŭ novyja prapanovy Hrecyi.

Praciŭnikami idei vychadu ź jeŭrazony vystupajuć Francyja i niekatoryja jeŭrapiejskija krainy, jakija simpatyzujuć Hrecyi.

U subotu ŭ Brusieli prachodzić čarhovaja pazapłanavaja sustreča Jeŭrahruppy. Ministry finansaŭ 19 krain pavinny pryniać rašeńnie, ci dać start novaj prahramie dapamohi Hrecyi, ci sankcyjanavać vychad krainy ź jeŭrazony. Kančatkovaje rašeńnie, jak paviedamlajecca, budzie zaćvierdžana na samicie kiraŭnikoŭ usich 28 dziaržaŭ ES, jaki projdzie ŭ niadzielu.

Premjer-ministr Hrecyi Aleksis Cypras vystaviŭ prapanovy kredytoram. Parłamient Hrecyi ŭ noč na subotu zaćvierdziŭ płan ekanamičnych reformaŭ, prapanavany Cyprasam. Jeŭrapiejskaja kamisija, Jeŭrapiejski centralny bank i MVF stanoŭča acanili hetyja prapanovy.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?