U Lubanskim i Puchavickim rajonach Minskaj vobłaści na hetym tydni byli znojdzienyja i źniščanyja dva bujnych pali dzikarosłych kanoplaŭ.

Jak paviedamlaje UUS Minskaha abłvykankama, pablizu vioski Sosny-2 Lubanskaha rajona supracoŭniki kryminalnaha vyšuku i adździaleńnia achovy pravaparadku i prafiłaktyki Lubanskaha RAUS vyjavili pole płoščaj 2,5 hiektara.

Pablizu pasiołka Praŭdzinski Puchavickaha rajona učastkovym inśpiektaram milicyi znojdzienaje pole płoščaj amal u 1 hiektar. Na praciahu dnia dzikarosłyja kanopli byli skošanyja i źniščanyja z užyvańniem sielskahaspadarčaj techniki.

Ahulnaja vaha źniščanych narkaźmiaščalnych raślin skłała bolš za 6 t.

U ciapierašni čas na terytoryi Minskaj vobłaści praciahvajecca śpiecyjalnaja prahrama «Mak». Z 1 červienia ŭžo vyjaŭlena 435 pasievaŭ raślin z utrymańniem narkotykaŭ. Ahulnaja vaha źniščanaha maku i kanoplaŭ skłała 12 760 kh. U dačynieńni da hramadzian składziena 347 administracyjnych pratakołaŭ za niezakonnaje vyroščvańnie narkaźmiaščalnych raślin.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?