39-hadovy pradprymalnik Uładzisłaŭ Citovič zajaviŭ, što maje namier paŭdzielničać u prezidenckaj kampanii 2015 hoda. «Usio, što ja rablu, rablu zychodziačy sa svajoj hramadzianskaj pazicyi. Za mnoj nie staić ni apazicyja, ni ŭłada. U maju inicyjatyŭnuju hrupu ŭvachodziać siabry sa škoły, univiersiteta, kalehi».

Citovič kaža, što ŭžo maje nieabchodnych 100 čałaviek dla rehistracyi inicyjatyŭnaj hrupy, ale sam razumieje, što hetaj kolkaści niedastatkova, kab sabrać nieabchodnyja 100 tysiač podpisaŭ. «U 2012 hodzie padčas parłamienckich vybaraŭ ja sam abyšoŭ 6 tysiač kvater, dzie zmoh sabrać tolki 600 podpisaŭ. Astatnija siabry majoj kamandy nie mahli sabrać bolš za 50 podpisaŭ». Ciapier Citovič praciahvaje nabor ludziej u inicyjatyŭnuju hrupie. Pa jahonych słovach, ci budzie jon rehistravać inicyjatyŭnuju hrupu, zaležyć ad taho, kolki ludziej zapišacca ŭ jaje. Zapisacca možna praz staronku Citoviča ŭ fejsbuku.

«Ja vyrašyŭ bałatavacca, bo nie baču pierśpiektyvaŭ. Adzinym šlacham vychadu ź situacyi mahła b być kansalidacyja vakoł kankretnaj asoby, ja prapanuju dla hetaha svaju asobu», — kaža imavierny kandydat.

Uładzisłaŭ Citovič naradziŭsia ŭ 1976 u Minsku. Skončyŭ BNTU. Haduje dvuch synoŭ (9 i 5 hadoŭ). Žonka pracuje doktaram-endakrynołaham u 1-aj kliničnaj balnicy Minska. Biespartyjny. U 2006-m źbiraŭ podpisy za Alaksandra Milinkieviča, u 2010-m — za Jarasłava Ramančuka. Jon kaža, što rasčaravaŭsia ŭ apazicyi paśla 2010 hoda.

Pradprymalnik niakiepska razmaŭlaje pa-biełarusku. «Ja ŭsio žyćcio razmaŭlaŭ pa-rusku, ale nie tak daŭno ŭ mianie źjaviłasia razumieńnie, što biełarusy pavinny ŭmieć razmaŭlać na svajoj movie».

Citovič byŭ zasnavalnikam firmy «Vieduus-servis», jakaja zajmałasia ramontam noŭtbukaŭ. Ciapier jon sprabuje svaje siły ŭ budaŭničym biznesie.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?