Centrvybarkam prymie dakumienty inicyjatyŭnaj hrupy Mikałaja Statkieviča, ale šansaŭ na rehistracyju niama, zajaviŭ BiełaPAN sakratar CVK Mikałaj Łazavik.

Płanujecca, što dakumienty na rehistracyju inicyjatyŭnaj hrupy pa vyłučeńni kandydatam u prezidenty palitźniavolenaha Mikałaja Statkieviča buduć pieradadzieny ŭ Centrvybarkam siońnia, 16 lipienia. 

«Pa sutnaści spravy, zajava — heta jak zvarot hramadzian. Zajavu my abaviazany pryniać, vyvučyć, razhledzieć i adkazać u aficyjnym paradku pa sutnaści», — skazaŭ Łazavik. Tamu, dadaŭ jon, zajava ab rehistracyi inicyjatyŭnaj hrupy Statkieviča «budzie pryniata, jak i ŭ astatnich asob, jakija źviartalisia abo buduć źviartacca z prośbaj u CVK».

Adnak, padkreśliŭ Łazavik, zarehistravać hrupu Statkieviča nie dazvalaje vybarčaje zakanadaŭstva. «Ni ŭ vodnaha čałavieka, jaki kirujecca normami zakona, nie ŭźnikaje sumnieńniaŭ, što ŭ rehistracyi inicyjatyŭnaj hrupy Statkieviča budzie admoŭlena, — miarkuje sakratar CVK. — Navat toj, chto kirujecca niejkimi palityčnymi mierkavańniami, razumieje, što ŭ rehistracyi budzie admoŭlena. Ale jamu heta treba zrabić, kab ažyćciavić heta z punktu hledžańnia pijaru asoby, ad imia jakoj jon vystupaje». 

Łazavik nahadaŭ, što ŭ adpaviednaści z art. 60 Vybarčaha kodeksa «kandydatami ŭ prezidenty Respubliki Biełaruś nie mohuć być vyłučany hramadzianie, jakija nie majuć prava ŭ adpaviednaści z zakanadaŭstvam Respubliki Biełaruś zajmać pasady ŭ dziaržaŭnych orhanach i inšych dziaržaŭnych arhanizacyjach u suviazi z najaŭnaściu sudzimaści».

Клас
0
Панылы сорам
0
Ха-ха
0
Ого
0
Сумна
0
Абуральна
0