Fiestyval kino i muzyki «Biełaje lusterka», što projdzie ŭ minskim kulturnym centry «Studio67» (Partyzanski pr-t, 2a) 28-30 žniŭnia, naviedaje jamajski rehi-muzyka Li «Skretč» Pery. Za kvitok na try dni kancertaŭ, kino i vystaŭ paprosiać 400 tysiač rubloŭ.

U pieršy dzień festa projdzie kancert Li Pery i pakaz dakumientalnaha filma «Lee Scratch Perry's Vision of Paradise» dy aftepaci ź picierskimi dydžejami.

U druhi dzień — viniłavy marafon z Delay Sound System, pakaz niamych multfilmaŭ z ahučkaj ad saŭnd-pradziusaraŭ z roznych krain dy pakaz dakumientalnaha filma «Pieraharni kružełku!».

Treci dzień — kancert piciercaŭ «NOM» z novaj prahramaj «Siemiero śmiełych» i pakaz ich filma «Zorny vors», roli ŭ jakim vykanali siarod inšych Siarhiej Michałok, Siarhiej Šnuraŭ i Barys Niamcoŭ.

***

Li «Skretč» Pery — jamajski muzyka i pradziusar, adzin ź pijanieraŭ žanraŭ rehi i dab. Naradziŭsia ŭ 1936 (pa inšych źviestkach — da 1940) hodzie, u 1968 hodzie stvaryŭ hurt The Upsetters i adnajmienny łejbł. Papularnaść zdabyŭ užo ź pieršym sinhłam «People Funny Boy», što byŭ pradadzieny pa Jamajcy šalonym pa tych časach nakadam u 60 tysiač asobnikaŭ. Ličycca, što mienavita ŭ tym zapisie źjaviŭsia bit, jaki zatym stanie ŭłaścivym žanru rehi. Dahetul vystupaje i vydaje albomy. U 2003 hodzie płytka «Jamaican E.T.» pryniesła jamu «Hremi». U 2014-m vyjšaŭ jaho apošni na siońnia albom «Back On the Controls». Ahułam dyskahrafija naličvaje šeść dziasiatkaŭ albomaŭ.

Li Pery. Fota: sebastianorossi.com

Li Pery. Fota: sebastianorossi.com

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?