Pra heta zajaviła siońnia žurnalistam namieśnik ministra handlu Biełarusi Iryna Narkievič

«Minhandlu nie admovicca ad hetaj idei. My staim na abaronie ŭnutranaha rynku i zacikaŭleny ŭ tym, kab raźvivaŭsia naš roźničny handal z našym ajčynnym tavaram i našy internet-kramy, a heta i jość jakraz achoŭny miechanizm i stvareńnie sumlennych umoŭ na rynku», — adznačyła Iryna Narkievič. Pavodle jaje słoŭ, ciapier zacikaŭlenyja dziaržorhany pracujuć nad vypracoŭkaj mietodyki źbirańnia padatku.

Iryna Narkievič raspaviała, što praktyka spahnańnia padatku na pakupki ŭ zamiežnych internet-kramach šyroka raspaŭsiudžanaja na terytoryi Jeŭrapiejskaha sajuza. «Unutry ES — biez padatkaŭ, a kali z-za — kali łaska, zapłaci. I heta akramia vyznačany paroh i sumy mytnych pošlin. U nas biazmytny paroh — 200 jeŭra, dalej — mytnaja pošlina», - patłumačyła namieśnik ministra.

Jana padkreśliła, što ŭ pryniaćci kančatkovaha rašeńnia nie treba śpiašacca. «Nieabchodna vyvučyć pieradavy dośvied, jak heta realna pracuje ŭ inšych krainach, pahladzieć miechanizmy, adaptavać ich da našych umoŭ. Akramia taho, my ŭvachodzim u Jeŭrazijski ekanamičny sajuz i dziejańni pavinny być uzhodnienyja», — upeŭnienaja namieśnik ministra.

Adnosna vykazvańniaŭ kiraŭnictva niekatorych bankaŭ ab adsutnaści techničnaj mahčymaści źbirańnia takoha zboru, Iryna Narkievič adznačyła, što treba staranna prapracavać heta pytańnie i prapanavać prymalnyja varyjanty.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?