Alfred Chičkok padčas zdymak filma «Ptuški». Fota z sajta pastemagazine.com

Alfred Chičkok padčas zdymak filma «Ptuški». Fota z sajta pastemagazine.com

Arnitołahi troch amierykanskich univiersitetaŭ vyśvietlili, što ptuški z haradoŭ bolš ahresiŭnyja za surodzičaŭ ź viosak, i vyjavili pryčynu, pra jakuju raspaviali ŭ časopisie Behavioral Ecology.

«Haradžanam» prychodzicca baranić bahatyja ježaj rajony, što vabiać «nalotčykaŭ» ź biednych rajonaŭ — a «haradžan» heta robić ahresiŭnymi. Raniej mierkavałasia, što na ahresiju najbolš upłyvaje ščylnaść papulacyi.

Daśledčyki nazirali za reakcyjaj roznych hrup samcoŭ amierykanskich pieŭčych vierabjoŭ na śpievy inšych samcoŭ, zapuščanych z dynamika. Vyśvietliłasia, što «haradžanie» značna čaściej za «viaskoŭcaŭ» atakavali dynamik. Nazirańni pravodzilisia ŭ roznyja hody (2011-2013) i davali roznyja kolkasnyja vyniki, ale zaŭsiody «haradžanie» byli ahresiŭniejšymi za «viaskoŭcaŭ».

U druhoj častcy ekśpierymientu «viaskoŭcam» pradstavili dadatkovy resurs — karmuški ź ježaj. Na ich susiedziaŭ-«haradžan» heta nie mieła ŭpłyvu, ale sami «viaskoŭcy» stali bolš ahresiŭnymi.

Ci jość zališniaja ahresija žycharoŭ bahatych rajonaŭ reakcyjaj na «złodziejaŭ», ci heta «previentyŭnaja» abarona terytoryi, ekśpierymienty nie pakazali. Tym nie mieniej, daśledavańnie abvierhła toje, što ahresija ptušak zaležyć niepasredna ad susiedstva z čałaviekam, ščylnaści nasielnictva ci prydatnaści miascovaści i najaŭnaści resursaŭ pad hniozdy. I pakazała: pryčyna zališniaj ahresii banalnaja — baraćba za resursy, jakich u «haradžan» bolš.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?