Pientahon upieršyniu prademanstravaŭ stralbu z 25-milimietrovaj harmaty źniščalnika F-35 z vykarystańniem bajavych snaradaŭ. Videa z vyprabavańniaŭ, jakija pravodzilisia na ziamli pry vyklučanych ruchavikach, vykładzienaje na aficyjnym kanale VPS ZŠA ŭ YouTube.

Vyprabavańni pravodzilisia 9 červienia. Jak adznačaje partał BGR, chutkastrelnaść harmaty GAU-22/A, schavanaj u kryle źniščalnika piataha pakaleńnia, składaje 55 strełaŭ u siekundu. Z ulikam taho, što zapas snaradaŭ na borcie F-35 składaje ŭsiaho 220 adzinak, uvieś bojekamplekt moža być vydatkavany za čatyry siekundy.

Źniščalnik upieršyniu pakazali šyrokaj publicy na avijašoŭ AirVenture 2015 u amierykanskim štacie Viskonsin, jakoje zaviaršajecca 26 lipienia, paviedamlaje The North Western. Pavodle infarmacyi haziety, pieršyja hatovyja da ekspłuatacyi F-35 miarkujecca pastavić bajavym častkam avijacyi Korpusa marskoj piachoty ZŠA ŭ bližejšyja tydni (mašyny, jakija pieradavalisia raniej u vojski, vykarystoŭvalisia ŭ navučalnych metach).

F-35 Lightning II - siamiejstva pierśpiektyŭnych małaprykmietnych šmatfunkcyjanalnych źniščalnikaŭ piataha pakaleńnia, raspracoŭkaj jakoha z 2001 hoda zajmajecca Lockheed Martin. Karparacyja budzie vyrablać F-35 u troch kamplektacyjach: A (dla VPS), B (skaročany ŭźlot i viertykalnaja pasadka) i C (pałubny). Źniščalniki płanujecca vykarystoŭvać dla patreb amierykanskich VMS, VPS i Karpusy marskoj piachoty. Akramia taho, Złučanyja Štaty ŭžo zaklučyli kantrakty na pastaŭku F-35 z šeraham dziaržaŭ, u tym liku ź Vialikabrytanijaj i Izrailem.

Prahrama F-35 nieadnarazova padviarhałasia krytycy, u pryvatnaści, z-za jaje darahoŭli. Ekśpierty Pientahona raźličyli, što pry vykarystańni samalotaŭ na praciahu 30 hadoŭ i pry nalocie ŭ 8000 hadzin na kožny z amal 2500 źniščalnikaŭ košt ich ekspłuatacyi i techabsłuhoŭvańnia składzie bolš za adnaho tryljona dalaraŭ. Takuju ž sumu Minabarony ŭžo vydatkavała na raspracoŭku samalota. Akramia taho, nahadvaje partał War is Boring, vyśvietliłasia, što F-35 u chodzie vučebnaha blizkaha pavietranaha boju sastupiŭ šmatfunkcyjanalnamu źniščalniku F-16, jaki znachodzicca na ŭzbrajeńni ŭ ZŠA z 1979 hoda.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?