Ciopłaje nadvorje ŭstanovicca ŭ Biełarusi ŭ pačatku nastupnaha tydnia, paviedamiła hałoŭny sinoptyk Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Śviatłana Rybakova.

fota Julii Balcevič

fota Julii Balcevič

«U vychadnyja dni nadvorje pačnie palapšacca, a dniom u niadzielu paciapleje. Na nastupnym tydni ŭ Biełaruś pryjdzie doŭhačakanaje ciapło», — adznačyła jana.

1 žniŭnia raspaŭsiudzicca ŭpłyŭ antycykłonu z Zachodniaj Jeŭropy, ale antycykłon sfarmiravany ŭ chaładnavatym pavietry. «Tamu budzie pieravažna biez apadkaŭ, tolki ŭ paŭnočnych rajonach respubliki projduć karotkačasovyja daždžy. Nočču davoli chaładnavata, pry nievialikaj vobłačnaści tempieratura pavietra panizicca da 6-13 hradusaŭ», - rastłumačyła śpiecyjalist. Dniom budzie 16-23 hradusy vyšej za nul, pa poŭdni pavietra prahrejecca da 25 hradusaŭ.

«Antycykłon 2 žniŭnia padoryć nam ciopły soniečny dzień. Budzie biez apadkaŭ», — paviedamiła Śviatłana Rybakova. Tempieratura pavietra nočču składzie 6-11 hradusaŭ ciapła, miescami da 13 hradusaŭ. Dniom pavietra pačnie prahravacca, i tempieratura ŭźnimiecca da 20-27 hradusaŭ, pa paŭdniovym zachadzie - da 29 hradusaŭ. 

3 žniŭnia pry pieramiaščeńni małaaktyŭnaha frontu ŭ asobnych rajonach mahčymy karotkačasovyja daždžy i navalnicy. Tempieratura pavietra nočču ŭstanovicca na ŭzroŭni 10-17 hradusaŭ, dniom budzie 21-28 hradusaŭ, pa paŭdniovym zachadzie - da 30 hradusaŭ ciapła.

4-5 žniŭnia nadvorje ŭ asnoŭnym budzie vyznačać vobłaść pavyšanaha atmaśfiernaha cisku i ciopłyja pavietranyja masy. Budzie pieravažna biez apadkaŭ. Tempieratura pavietra nočču składzie 8-15 hradusaŭ, dniom — 21-27 hradusaŭ, pa poŭdni 28-32 hradusy ciapła.

«Lipień u hetym hodzie nie vielmi radavaŭ nas sapraŭdnym letnim ciapłom, tolki ŭ pačatku miesiaca my adčuli letniuju haračyniu, a potym pieravažali davoli ŭmieranyja tempieratury, što ŭ apošnija hady nie charakterna dla lipienia. Raźvitvajecca lipień z nami chaładnavatym nadvorjem, tempieraturny fon u apošnija dni miesiaca ŭtrymlivajecca na 1-3 hradusy nižej za klimatyčnuju normu», — kanstatavała śpiecyjalist. 

31 lipienia ŭmovy nadvorja ŭ Biełarusi ŭ asnoŭnym budzie vyznačać chaładnavataja niaŭstojlivaja pavietranaja masa, što pastupaje z Bałtyjskaha mora. Nočču miescami pa Viciebskaj vobłaści, dniom pa paŭnočna-zachodniaj pałavinie respubliki projduć karotkačasovyja daždžy, u asobnych rajonach prahrymiać navalnicy. Tempieratura pavietra nočču składzie ad 7 da 13 hradusaŭ, dniom 18-24 hradusy.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?