Dziaržaŭny doŭh Respubliki Biełaruś na 1 lipienia 2015 hoda skłaŭ 249,8 trłn rubloŭ i pavialičyŭsia ŭ paraŭnańni z pačatkam hoda na 52,4 trłn rubloŭ, ci 26,5%. 

Jak paviedamlaje Ministerstva finansaŭ, źniešni dziaržaŭny doŭh pa stanie na 1 lipienia 2015 hoda skłaŭ 12,7 młrd dalaraŭ ZŠA, pavialičyŭšysia z pačatku hoda na 101,0 młn dalaraŭ, ci 0,8% (z ulikam kursavych roźnic). 

U studzieni—červieni 2015 hoda pryciahnutyja źniešnija dziaržaŭnyja pazyki na 679,1 młn dalaraŭ ZŠA: 429,7 młn dalaraŭ — urada i bankaŭ Rasijskaj Fiederacyi; 228,8 młn dalaraŭ — bankaŭ KNR; 20,6 młn dalaraŭ ZŠA — MBRR. 

Pahašeńnie źniešniaha dziaržaŭnaha doŭhu z pačatku 2015 hoda skłała 547,8 młn dalaraŭ ZŠA: 150,0 młn dalaraŭ — urad Rasijskaj Fiederacyi; 75,9 młn dalaraŭ — MVF; 176,6 młn dalaraŭ — Jeŭrazijski fond stabilizacyi i raźvićcia; 80,5 młn dalaraŭ — banki KNR; 7,5 młn dalaraŭ — MBRR; 0,7 młn dalaraŭ — ZŠA; 56,6 młn dalaraŭ — banki Vieniesueły. 

Unutrany dziaržaŭny doŭh na 1 lipienia skłaŭ 55,2 trłn rubloŭ, pavialičyŭšysia z pačatku 2015 hoda na 6,8 trłn rubloŭ, ci 14,1% (z ulikam kursavych roźnic). 

Za studzień—červień 2015 hoda raźmieščana ŭnutranych valutnych dziaržaŭnych ablihacyj dla jurydyčnych i fizičnych asob na sumu, ekvivalentnuju 88,2 młn dalaraŭ ZŠA, i 340,5 młrd rubloŭ. Z pačatku 2015 hoda pahašana valutnych i rublovych dziaržaŭnych ablihacyj dla fizičnych i jurydyčnych asob (biez uliku apieracyj pa abmienie) na 175,0 młn dalaraŭ ZŠA i 815,9 młrd rubloŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?