Pretendent na pasadu prezidenta Biełarusi Žanna Ramanoŭskaja nie zmahła nazvać kolkaść podpisaŭ, sabranych inicyjatyŭnaj hrupaj u padtrymku jaje vyłučeńnia. «U mianie niama času ličyć kolkaść podpisaŭ. Ciapier ja skancentravana na tym, kab sabrać ich jak maha bolš», — zajaviła jana. 

Ramanoŭskaja adznačyła, što «choča realizavać svaju prahramu, ale, kab heta zrabić, treba mieć paŭnamoctvy prezidenta». 

Jana ličyć, što dasiahnuć stanoŭčaha vyniku na hetych vybarach budzie ciažka, u tym liku z-za małalikaści inicyjatyŭnaj hrupy. «U adpaviednaści z zakonam ludzi mohuć uziać adpačynak za svoj košt, i ja mahu apłacić im zbor podpisaŭ. Ale pakolki ŭ mianie finansavańnia niama, ja nie mahu asabista heta zrabić. Tamu maja inicyjatyŭnaja hrupa pracuje na hołym entuzijaźmie ŭ niepracoŭny čas, źbiraje podpisy, chto kolki moža», — raskazała pretendent na pasadu prezidenta. 

Ramanoŭskaja paviedamiła, što pikiety ŭ padtrymku jaje vyłučeńnia pakul nie pravodziacca. «Ličym heta niemetazhodnym, praściej prajści pa kvaterach, arhanizacyjach. Mahčyma, praviadziom pikiet paźniej, bo ŭ sacyjalnych sietkach mnie pišuć, dzie možna pastavić podpis u maju padtrymku ŭ Minsku, prosiać pryjechać u inšyja rehijony», — skazała jana. 

U inicyjatyŭnuju hrupu Ramanoŭskoj uvachodzić krychu bolš za sto čałaviek. 

Čytajcie taksama: Stali viadomyja bijahrafija i prahrama tajamničaj pretendentki Žanny Ramanoŭskaj

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?