Słužba biaśpieki Ukrainy ŭ piatnicu paviedamiła ab praduchilenni zamachu na kiraŭnika MUS Ukrainy Arsiena Avakava.

«Słužba biaśpieki Ukrainy sumiesna z Hałoŭnaj vajennaj prakuraturaj papiaredzili zabojstva ministra ŭnutranych spraŭ i šerah inšych zakaznych zabojstvaŭ u Kijevie i Charkavie», — havorycca ŭ zajavie na sajcie viedamstva.

Jak paviedamiła pres-sakratar SBU Alena Hitlanskaja, u vyniku śpiecapieracyi pravaachoŭniki vykryli złačynnuju hrupu, jakaja rychtavała zabojstva vysokapastaŭlenych čynoŭnikaŭ milicyi, narodnaha deputata, vałancioraŭ i biźniesmienaŭ.

U Charkavie siońnia zatrymany adzin z arhanizataraŭ hrupy — kiraŭnik bataljona «Słabažanščyna».

Praciahvajucca śledčyja dziejańni ŭ ramkach kryminalnaj vytvorčaści, adkrytaj pa art. 115 Kryminalnaha kodeksa Ukrainy (zakaznoje zabojstva), pravodziacca pieratrusy pa miescach dysłakacyi padraździaleńnia padazravanaha i pa miescy jaho žycharstva.

Jak paviedamiła UNIAN infarmavanaja krynica ŭ orhanach prakuratury, zatrymanym źjaŭlajecca kapitan milicyi. Prymajucca miery pa zatrymańniu jašče adnaho člena hrupoŭki.

Taksama surazmoŭca ahienctva paviedamiŭ, što akramia Avakava złamyśniki mieli namier likvidavać narodnaha deputata, kamandzira bataljona «Azoŭ» Andreja Bileckaha.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?