Pravaachoŭniki zatrymali dvuch mužčyn pa padazreńni ŭ pryčynieńni ciažkich cialesnych paškodžańniaŭ, paviedamlaje pres-słužba HUUS Minharvykankama.

Dva chłopcy, jakija pastupili nočču ŭ balnicu z udarami i traŭmami, raspaviali, što ich lichtuhi pačalisia z adpačynku ŭ načnym kłubie. Bližej da 4-j ranicy jany vyjšli na vulicu i vyrašyli złavić mašynu.

U aŭtamabili byŭ kiroŭca z pasažyram. Za pajezdku mienš za kiłamietr paciarpiełyja chacieli zapłacić 150 tysiač rubloŭ, ale pa darozie pieradumali i vyrašyli źnizić canu. Kiroŭca admoviŭsia handlavacca, zaviazałasia svarka.

Tady kiroŭca spyniŭ mašynu, dastaŭ biejsbolnuju bitu i pačaŭ źbivać dvuch svaich pasažyraŭ. Paśla hetaha jon dastaŭ z kišeni adnaho z paciarpiełych kašalok i źjechaŭ.

Paciarpiełyja nie zapomnili ni numar, ni marku mašyny, ni prykmiety napadnika.

Złačyncaŭ šukaŭ uvieś asabovy skład adździeła kryminalnaha vyšuku Frunzienskaha RUUS. Pavodle słoŭ pieršaha namieśnika načalnika rajonnaha ŭpraŭleńnia padpałkoŭnika milicyi Alaksandra Pałulecha, asoby padazravanych vyjavili za dva dni, a zatrymlivali ich pry padtrymcy śpiecpadraździaleńnia «Ałmaz».

Jak stała viadoma, amatar pamachać bitaj žyŭ u Dziaržynsku i ŭžo byŭ sudzimy za razboj, kradziež i supraciŭ milicyi. Taksama jon pazbaŭleny paśviedčańnia kiroŭcy za DTZ. U bahažniku mašyny znajšli bitu i rečy paciarpiełaha.

Pryjaciela kiroŭcy, 19-hadovaha minčuka, taksama zatrymali i dastavili ŭ RUUS.

Клас
0
Панылы сорам
0
Ха-ха
0
Ого
0
Сумна
0
Абуральна
0