30 vieraśnia na palihonie Bahramian u Armavirskaj vobłaści Armienii adbyłasia ŭračystaja cyrymonija adkryćcia vučeńniaŭ ź miratvorčymi siłami dziaržaŭ — členaŭ Arhanizacyi Dahavora ab kalektyŭnaj biaśpiecy (ADKB) «Nieparušnaje braterstva — 2015». 

Jak paviedamlaje pres-słužba Ministerstva abarony Biełarusi, paśla ŭračystaj častki kantynhienty Kalektyŭnych miratvorčych sił (KMS) ADKB pačali pieršy etap vučeńniaŭ, u chodzie jakoha adpracoŭvajucca pytańni padrychtoŭki orhanaŭ vajennaha kiravańnia i padraździaleńniaŭ da vykanańnia miratvorčych zadač. 

Kiraŭnictvu sumiesnych vučeńniaŭ i kamandavańniu KMS ADKB na praktyčnym zaniatku nieabchodna vyvučyć praces padrychtoŭki prapanoŭ u prajekty rašeńniaŭ statutnych orhanaŭ ADKB na praviadzieńnie apieracyi pa padtrymańni miru. 

U nastupnym budzie adpracavany paradak farmiravańnia KMS ADKB u rajonie praviadzieńnia miratvorčaj apieracyi i paradak arhanizacyi padrychtoŭki orhanaŭ kiravańnia, padraździaleńniaŭ da vykanańnia miratvorčych zadač. 

Akramia taho projduć praktyčnyja zaniatki pa ahniavoj, vajenna-miedycynskaj, inžyniernaj padrychtoŭcy, padčas jakich buduć daviedzienyja: taktyka-techničnaja charaktarystyka łaziernaj sistemy «Majłs» i jaje prymianieńnie, asablivaści vykanańnia zadač pa humanitarnym raźminiravańni miascovaści, a taksama pakazana razhortvańnie vajenna-palavoha špitalu. 

Padčas zaniatku pytańni pa mižnarodnym humanitarnym pravie daviaduć pradstaŭniki Mižnarodnaha kamiteta Čyrvonaha Kryža. 

U toj ža čas biełaruskija miratvorcy sumiesna z asabovym składam kantynhientaŭ uzbrojenych sił Armienii, Kazachstana, Kyrhyzstana i Rasii pačnuć vykanańnie vučebna-bajavych zadač. 

Da kanca dnia kamandujučamu abjadnanaha kamandavańnia KMS ADKB budzie ŭručana rašeńnie Savieta Kalektyŭnaj biaśpieki na praviadzieńnie apieracyi pa padtrymańni miru.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?