Časovy pavierany ŭ spravach ZŠA ŭ Biełarusi Skot Rołand prapanavaŭ nazvać adzin z karpusoŭ 1-j haradskoj kliničnaj balnicy imiem Rut Uoler — amierykanskaj supracoŭnicy Administracyi dapamohi i adnaŭleńnia Abjadnanych Nacyj (UNRRA), jakaja dziejničała ŭ paślavajennyja hady ŭ BSSR.

Były časovy pavierany Itan Hołdryč uskładaje kvietki na mahiłu Rut Uoler na Vajskovych mohiłkach, fota Siarhieja Hudzilina

Były časovy pavierany Itan Hołdryč uskładaje kvietki na mahiłu Rut Uoler na Vajskovych mohiłkach, fota Siarhieja Hudzilina

Na adkryćci pamiatnaj doški ab hetaj pieršaj humanitarnaj misii AAN u Biełarusi 19 kastryčnika ŭ staličnym Łošyckim parku, dzie raźmiaščaŭsia ofis UNRRA, Rołand nahadaŭ, što padobnyja płany pa ŭviekaviečańni imia Uoler byli ŭ savieckich uładaŭ. «Moža być, pryjšoŭ čas», — skazaŭ dypłamat.

«Pastaŭki UNRRA ŭ pieršyja paślavajennyja hady praduktaŭ, nasieńnia, techniki dapamahli Biełarusi pieražyć razruchu i hoład, — adznačyŭ Rołand. — Jak amierykaniec ja hanarusia tym, što ŭ składzie misii pracavali maje suajčyńniki. <…> Zasłuhoŭvaje pamiaci i žyćcio asobnaha čałavieka — supracoŭnicy misii Rut Uoler, jakaja pamierła 4 žniŭnia 1946 hoda. Rut zachvareła paśla taho, jak dapamahła vyratavacca biełaruskim chłopčykam, jakija zahulalisia na vadzie. Jana pachavana na Vajskovych mohiłkach u Minsku». 

«Ja rady, što my zmahli akazać biełaruskim uładam dapamohu ŭ vysakarodnym pačynańni ŭviekaviečańnia ahulnaj historyi i sumiesnych namahańniaŭ mižnarodnaj supolnaści», — padsumavaŭ časovy pavierany ŭ spravach ZŠA ŭ Biełarusi.

Fota Siarhieja Hudzilina

Fota Siarhieja Hudzilina

U 1940-ch hadach Uoler pracavała ŭ biełaruskim ofisie UNRRA razam z mužam. Zadačaj misii było akazańnie ekanamičnaj dapamohi krainam Jeŭropy, a taksama repatryjacyja i padtrymka biežancaŭ. Uoler zajmałasia arhanizacyjaj pastavak u Biełaruś praduktaŭ, adzieńnia, miedycynskich preparataŭ. Dziakujučy hetaj pracy byli vyratavany tysiačy ludziej.

Rut Uoler było 25 hadoŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?