«Vsia kriemlevskaja rať» Michaiła Zyhara — historyja Rasii z 1999-ha pa 2015 hod. «Miaduza» abrała dziesiać cikavych i niečakanych rečaŭ, pra jakija raspaviadaje Zyhar. Ni paćvierdzić, ni abvierhnuć pryviedzienyja fakty redakcyja nie biarecca i pakidaje ich na sumleńni hałoŭnaha redaktara telekanała «Dožd́».

Fota Dźmitryja Azarava, kommersant.ru

Fota Dźmitryja Azarava, kommersant.ru

Adzin ź ich pra toje, što Pucin pierakanaŭ Miadźviedzieva nie vyłučacca na druhi termin arhumientam pra Kadafi.

Cytata: U kancy leta [2011] Pucin paklikaŭ Miadźviedzieva na rybałku. Jany adpravilisia ŭ Astrachanskuju vobłaść, na bazu adpačynku «Žytnaje», jakuju pabudavaŭ dla siabie ministr abarony. Try dni łavili rybu i demanstravali ŭłoŭ žurnalistam. Abodva byli zadavolenyja. Prezident paličyŭ, što premjer na jaho zusim nie pakryŭdžany, nijakaha napružańnia jak i nie było. Tandem mocny.

Padčas toj rybałki Pucin i skazaŭ Miadźviedzievu, što budzie lepš, kali toj sastupić jamu fatel prezidenta. «Situacyja ŭ śviecie składanaja, Dzima. Možna i krainu zhubić» — tak pierakazvajuć ich lehiendarnuju razmovu. «Nu čamu ž, — razhubiŭsia Miadźviedzieŭ, — čamu ž ja zhublu?» «Dy tamu što vielmi składanaja situacyja ŭ śviecie, Dzima. Kadafi vuń taksama dumaŭ, što nie zhubić. A amierykancy chitrejšymi akazalisia».

U Miadźviedzieva nie było nijakich arhumientaŭ. A ŭ Pucina jany byli.

«U 2008 hodzie, — prykładna tak kazaŭ Pucin, — ja byŭ palitykam numar adzin. Ja moh by pieraabracca jašče raz, ale mnie kanstytucyja nie dazvalała. Ja vyrašyŭ joj padparadkavacca i sastupiŭ miesca tabie. My damovilisia, što, kali nastanie dzień, my siadziem i vyrašym, što rabić dalej. I voś dzień nastaŭ: ja pa-raniejšamu palityk numar adzin, ty na druhim miescy. Pa zakonie my abodva možam udzielničać u vybarach. Ty maładziejšy, heta plus. A ŭ mianie bolš vopytu, heta taksama plus. Jość adno adroźnieńnie — u mianie rejtynh vyšejšy. U mianie jość «Narodny front», jaki mianie padtrymlivaje. U luboj krainie kirujučaja partyja vyłučaje taho kandydata, jaki papularniejšy. Ułada budzie tryvalejšaja, kali my pojdziem na vybary jak adna kamanda. Ty budzieš premjeram, jak ja ciapier, — pierakonvaŭ Pucin. — A potym ty znoŭ vierniešsia». Miadźviedzievu nie było što adkazać.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?