Biuro pierapisu nasielnictva ZŠA apublikavała dakład ab stanie biednaści ŭ ZŠA. Zafiksavana rekordnaja kolkaść biednych - 46,2 miljona abo kožny siomy. Pryviadziom niekalki faktaŭ pra žyćcio biednych u Amierycy.

- 80% biednych žyvuć u damach z kandycyjanierami, a ŭ 1970 h. tolki 36% usich amierykancaŭ mieli kandycyjaniery;

- U 92% biednych chatnich haspadarak jość mikrachvalevaja pieč;

- u amal 3/4 usich biednych chatnich haspadarak jość aŭtamabil abo hruzavik; u 3/5 biednych siemjaŭ majecca dva i bolš transpartnych srodkaŭ;

- u 2/3 biednych majecca kabielnaje abo spadarožnikavaje telebačańnie;

- u 2/3 siemjaŭ jość, jak minimum, adzin DVD płejer;

- u pałovy biednych siemjaŭ jość kampjutar;

- bolš čym u pałovy biednych siemjaŭ jość sistema videahulniaŭ (Xbox abo PlayStation);

- U 43% biednych siemjaŭ jość dostup u internet;

- u kožnaj treciaj biednaj siamji jość televizar płazma ci LCD;

- 96% baćkoŭ u biednych siemjach zajavili, što ich dzieci nikoli nie adčuvali hoładu, tamu što niama za što było kupić ježu;

- 83% biednych siemjaŭ zajavili, što ŭ ich dastatkova charčavańnia;

- 82% darosłych biednych zajavili, što nikoli nie haładali na praciahu hoda z-za taho, što nie było hrošaj kupić ježu;

- 49,5% biednych siemjaŭ žyvuć u asobnych damach, 40% - u kvaterach, tolki 9,5% žyvuć u mabilnych damach, na praciahu hoda tolki 4% biednych siemjaŭ časova zastalisia biez žylla;

- siaredni biedny amierykaniec maje bolš žyłoj płoščy, čym siaredniestatystyčny (a nie biedny) švied;

- siaredniaje spažyvańnie białkoŭ, vitaminaŭ i minierałaŭ praktyčna takoje ž u biednych, jak u siaredniaha kłasa i značna vyšej rekamiendavanych normaŭ.

Tak što biednaść adnosnaja. Tak što kali vam u nastupny raz buduć kazać, što ŭ Amierycy ŭsio jašče «niehraŭ linčujuć», a kapitalizm nie maje čałaviečaha tvaru, acanicie hetyja ličby. Kali biełaruski student za leta moža zarabić navat $ 10 tysiač, biednaść u pieravažnaj kolkaści vypadkaŭ źjaŭlajecca vybaram samoha čałavieka ci vynikam jaho adnosinaŭ da pracy, siamji i siabroŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?