Prakuraturaj Minskaj vobłaści nakiravana ŭ sud Maładziečanskaha rajona kryminalnaja sprava ŭ dačynieńni da 20-hadovaha žychara pasiołka Čyść. Jon abvinavačvajecca va ŭčynieńni naŭmysnaha zabojstva z asablivaj žorstkaściu 27-hadovaha mužčyny.

Pry praviercy kryminalnaj spravy ŭ prakuratury ŭstanoŭlena, što abvinavačańnie pradjaŭlena abhruntavana i paćvierdžana dokazami, paviedamiŭ BiełaPAN prakuror adździeła abłasnoj prakuratury pa nahladzie za vykanańniem zakanadaŭstva ŭpraŭleńniem SK pa Minskaj vobłaści Ilja Kupryk. 

Złačynstva było ŭčyniena ŭ mai hetaha hoda. Abvinavačvany, znachodziačysia ŭ lesaparkavaj zonie kala kafe ŭ pasiołku Čyść, padčas svarki, jakaja raptam uźnikła na hlebie asabistych niepryjaznych adnosin z nahladna znajomym jamu miascovym žycharom, z metaj naŭmysnaha supraćpraŭnaha pazbaŭleńnia žyćcia apošniaha nanios jamu nie mienš jak 74 udary nažom i nie mienš jak siem udaraŭ nieŭstanoŭlenym ćviordym tupym pradmietam u vobłaść hałavy, šyi, tułava i vierchnich kaniečnaściaŭ, pryčyniŭšy paciarpiełamu cialesnyja paškodžańni, jakija adnosiacca da katehoryi ciažkich i stajać u pramoj pryčynnaj suviazi sa śmierciu paciarpiełaha. 

Pry hetym, jak adznačajuć u abłasnoj prakuratury, abvinavačvany stanoŭča charaktaryzujecca jak pa miescy žycharstva, tak i pa miescy pracy, raniej nie pryciahvaŭsia ni da kryminalnaj, ni da administracyjnaj adkaznaści, zajmaŭsia sportam. 

Za vyšejukazanyja dziejańni sankcyjaj č. 2 art. 139 KK praduhledžana pakarańnie ŭ vyhladzie pazbaŭleńnia voli na termin ad 8 da 25 hadoŭ ci pažyćciovaha źniavoleńnia, ci śmiarotnaj kary.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?