Masharsud pryznaŭ ekstremisckim «Etnapalityčnaje abjadnańnie Ruskija», jakoje ŭznačalvaje Dźmitryj Dziomuškin, i zabaraniŭ jaho dziejnaść na terytoryi RF.

Dźmitryj Dziomuškin byŭ zaŭvažnaj dziejučaj asobaj nacyjanalistyčnych i apazicyjnych akcyj (na fota «Ruski marš» 2013 hoda)

Dźmitryj Dziomuškin byŭ zaŭvažnaj dziejučaj asobaj nacyjanalistyčnych i apazicyjnych akcyj (na fota «Ruski marš» 2013 hoda)

Takim čynam byŭ zadavoleny pazoŭ prakuratury Maskvy.

U sudzie pradstaŭniki prakuratury nahadali, što Dziomuškin i Alaksandr Białoŭ (Potkin), a taksama inšyja siabry arhanizacyi pryciahvalisia da kryminalnaj adkaznaści pa złačynstvach ekstremisckaj nakiravanaści.

Akramia taho, prakuror paviedamiŭ, što na staroncy Dziomuškina ŭ sacyjalnaj sietcy «UKantakcie», jakaja ŭ ciapierašni čas zabłakavanaja, źmiaščałasia infarmacyja ekstremisckaj nakiravanaści.

Pradstaŭnik «Ruskich», sa svajho boku, sprabavaŭ pierakanać sud, što prakuratura nie pradstaviła dokazaŭ ekstremisckaj dziejnaści abjadnańnia. Jon taksama padkreśliŭ, što aficyjna abjadnańnie nie zarehistravanaje. «Nielha zabaranić toje, čaho niama», — skazaŭ jon.

EPA «Ruskija» stała ŭžo treciaj zabaronienaj ŭładami arhanizacyjaj na čale z radykalnym nacyjanalistam 36-hadovym Dźmitryjem Dziomuškinym. Pieršymi dvuma byli «Słavianski sajuz» (zabaronieny ŭ 2010 hodzie) i jaho spadčyńnica «Słavianskaja siła» (ŭskosna pryznanaja sudom ekstremisckaj arhanizacyjaj ŭ 2014 hodzie). Abiedźvie arhanizacyi skaročana nazyvalisia SS.

Dziomuškin i Białoŭ, u adroźnieńnie ad mnohich inšych ruskich nacyjanalistaŭ, vystupali suprać vajny va Ukrainie. Zrešty, jak pakazała praktyka, staŭleńnie rasijskich uładaŭ i pravaachoŭnych orhanaŭ da apazicyjanieraŭ-nacyjanalistaŭ nie zaležyć naŭprost ad taho, padtrymali jany anieksiju Kryma i vajnu na Danbasie ci nie.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?