Aktakoptar Agras MG-1 pryznačany dla apracoŭki raślin piestycydami. Na plačach bieśpiłotnika zmantavanaja sistema trubak i farsunak, a pad korpusam znachodzicca jomistaść umiaščalnaściu dziesiać litraŭ. Za hadzinu MG-1 moža apracavać učastak płoščaj u try-čatyry hiektary.

Padčas raspyleńnia robat samastojna rehuluje kolkaść raspylenych pestycydaŭ u zaležnaści ad chutkaści pieramiaščeńnia. Taksama pry nieabchodnaści MG-1 moža viarnucca: jon zapaminaje miesca, na jakim jon spyniŭsia, i praciahvaje pracu mienavita adtul.

Pavodle pradstaŭnikoŭ kampanii, vykarystańnie bieśpiłotnika ŭ sorak razoŭ bolš ekanamičnaje za mietad ručnoha raspyleńnia piestycydaŭ z zaplečnych jomistaściaŭ. Akramia taho, pry vykarystańni aktakoptara rabotniki mienš kantaktujuć z chimikatami.

Prymianieńnie dronaŭ u sielskaj haspadarcy nie abmiažoŭvajecca raspyleńniem piestycydaŭ. Padobnyja pryłady možna abstalavać kamierami dla aŭtamatyčnaha manitorynhu stanu zdaroŭja raślin. Pradavacca Agras MG-1 budzie pa canie 15 tysiač dalaraŭ ZŠA.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?