Terakt na borcie samalota Airbus A321 avijakampanii «Kahałymavija» byŭ ździejśnieny z dapamohaj šyroka raspaŭsiudžanaha typu vybuchoŭki, što ŭskładniaje pošuk jaje vytvorcaŭ. Pra heta piša «Kommiersant» sa spasyłkaj na krynicu, blizkuju da śledstva.
Pry terakcie, pavodle źviestak vydańnia, chutčej za ŭsio vykarystoŭvałasia vybuchoŭka C-4 na asnovie płastydu, jakaja była raspracavana ŭ 1960-ch hadach u ZŠA i ciapier vyrablajecca ŭ mnohich krainach śvietu. Zakładziena jana była ŭ aluminijevaj blašancy z-pad Schweppes jomistaściu 0,33 litra i była schavanaja pad adnym z kresłaŭ u kancy sałona pa pravym borcie.
15 śniežnia «Kommiersant» paviedamiŭ, što samalot, jak vyjavili ŭ FSB, byŭ uzarvany bombaj nievialikaj mahutnaści, vyrablenaj na asnovie zamiežnaj vybuchoŭki, anałahičnaj płastydu. Pry vybuchu ŭ korpusie łajniera prabiła adtulinu dyjamietram kala mietra, što pryviało da tak zvanaj vybuchnoj razhiermietyzacyi, jakaja vyklikała razbureńnie samalota.
Samalot Airbus A321 kampanii «Kahałymavija» raźbiŭsia 31 kastryčnika. Usie 224 čałavieki (u asnoŭnym rasijanie), jakija znachodzilisia na borcie, zahinuli. Adkaznaść za katastrofu ŭziali na siabie bajeviki hrupoŭki «Viłajat Sinaj», jaki prysiahnuła na viernaść terarystyčnaj arhanizacyi «Isłamskaja dziaržava».
