Śledstva nie źviazvaje zabojstva Barysa Niamcova ź jaho palityčnaj ci hramadskaj dziejnaściu.
«U chodzie rasśledavańnia pa spravie było peŭna ŭstalavana, što zabojstva Niamcova nijak nie źviazana ź jaho dziaržaŭnaj abo palityčnaj, hramadskaj dziejnaściu», — zajaviŭ śledčy ŭ piatnicu na pasiadžeńni ŭ Basmannym sudzie, dzie razhladajecca skarha paciarpiełych na admovu ŭ pierakvalifikacyi spravy.
U vieraśni pradstaŭniki siamji Niamcova chadajničali pierad śledstvam, kab ŭčynienaje złačynstva kvalifikavałasia jak zabojstva dziaržaŭnaha dziejača, ale atrymali admovu.
Na dumku advakataŭ, padstavaj dla pierakvalifikacyi na artykuł 277 KK RF słužyć toje, što na momant zabojstva Niamcoŭ byŭ deputatam Jarasłaŭskaj abłasnoj dumy, sustaršynioj apazicyjnaj partyi RPR-PARNAS, a raniej zajmaŭ pasady va ŭradzie, byŭ hubiernataram i deputatam Dziarždumy.
Niamcoŭ zastreleny 27 lutaha na Vialikim Moskvareckim moście ŭ Maskvie. Pa fakcie zabojstva była zaviedziena kryminalnaja sprava pa artykułach 105 («zabojstva») i 222 KK RF («niezakonny abarot zbroi»). Rasśledavańniem zajmajecca Hałoŭnaje śledčaje ŭpraŭleńnie Śledčaha kamiteta Rasii.
