Bank raźvićcia Biełarusi zaviaršyŭ nieabchodnyja pracedury pa adkryćci pradstaŭnictva ŭ Vialikabrytanii.
Jak paviedamlaje pres-słužba Banka raźvićcia, ciapier u łondanskim Sici budzie apieryravać pieršy i adziny ofis finansavaha instytuta z Respubliki Biełaruś.
«Jość masa ahulnaviadomych arhumientaŭ, čamu my vybrali Łondan dla svajoj prysutnaści. Respublika Biełaruś stanovicca abjektam usio bolš pilnaj uvahi z boku mižnarodnych inviestycyjnych bankaŭ, fondaŭ i kampanij. Cikavaść da našaj dziaržavy raście, my heta vyrazna adčuvajem. Tamu Bank raźvićcia, jak adzin z apornych biełaruskich finansavych instytutaŭ, naceleny być «na vastryi» ŭsich hetych pracesaŭ», — prakamientavaŭ padzieju staršynia praŭleńnia Banka raźvićcia Siarhiej Rumas.
«Bazavy pryncyp, na jaki my abapiralisia ŭ pracesie madeliravańnia farmatu pracy našaha łondanskaha ofisa: pradstaŭnictva — heta nie prosta šylda na dźviarach u prestyžnym rajonie, heta instrumient dla kamunikacyj, efiektyŭnaha, hnutkaha i racyjanalnaha viadzieńnia biźniesu ŭ rehijonie», — dadaŭ jon.
U zaležnaści ad metavych aryjenciraŭ pradstaŭnictva zmoža pravodzić mierapryjemstvy luboha farmatu, ad pryvatnych pieramoŭ da bujnych forumaŭ i prezientacyj, i vykarystoŭvać adpaviedny ŭzrovień nieabchodnaha servisu. Dla hetaha apieratar dziełavoha kompleksu, u jakim raźmieščana pradstaŭnictva, daje śpiektr samych sučasnych technałahičnych, kamunikacyjnych, administratarskich i inšych spadarožnych rašeńniaŭ.