Na žodzinskim pradpryjemstvie TDA «Biełaŭtazapčastka» zarobak vypłačvajuć z praterminoŭkaj. Za kastryčnik hetaha hoda supracoŭniki pradpryjemstva atrymali pakul častku zarobkaŭ — pa 750 000 rubloŭ.
Sa śniežnia 2014 hoda na TDA «Biełaŭtazapčastka» pačalisia praterminoŭki zarabotnaj płaty ŭ suviazi sa stvoranaj debitorskaj zapazyčanaściu. Prakuratura Žodzina ŭ hetym pytańni pravodziła pravierki, byli vyniesienyja adpaviednyja pradpisańni.
— Vypłaty robiacca pa miery pastupleńnia na pradpryjemstva hrašovych srodkaŭ ad kontrahientaŭ, — infarmuje starejšy pamočnik prakurora Jana Chomič.
Departamienta dziaržaŭnaj inśpiekcyi pracy nakłaŭ štraf na dyrektara kampanii. Akramia taho, štraf byŭ nakładzieny i na samo pradpryjemstva.
— Ja navat nie viedaju, jak my vyžyvajem. U nas jość siamiejnyja pary, jakija pracujuć na pradpryjemstvie. Za kastryčnik rabočym vypłačany zarobak pa 750 000 rubloŭ (prykładna $40), — raspavioŭ rabočy pradpryjemstva Uładzimir.
* * *
Žodzinskaje pradpryjemstva TDA «Biełaŭtazapčastka» vypuskaje hidramanipulatary roznaj hruzapadymalnaści, zajmajecca vytvorčaściu hidraŭličnych cylindraŭ dla ajčynnaj i zamiežnaj techniki, a taksama vytvorčaściu stalovych biasšoŭnych trub.