Irakskija vojski całkam akružyli kompleks uradavych budynkaŭ, zachopleny bajevikami terarystyčnaj hrupoŭki «Isłamskaja dziaržava» ŭ samym centry horada Ramadzi.
AP
Pra heta paviedamiŭ irakski Centr vajennaj infarmacyi.
Zhodna ź jaho zajavaj, «irakskaja armija akružyła kompleks uradavych budynkaŭ u centry Ramadzi», dzie chavajucca niekalki sotniaŭ ekstremistaŭ.
Pa dadzienych irakskaha kamandavańnia, całkam vierahodna, što pieradavyja atrady vojskaŭ śpiecyjalnaha pryznačeńnia pačnuć začystku centralnych rajonaŭ užo na praciahu bližejšych hadzin.
Sapiornyja bryhady ŭžo prystupili da raźminiravańnia budynkaŭ va ŭradavym kompleksie. Abiasškodžvańnie min i vybuchovych pryład, pakinutych ekstremistami pry adstupleńni ŭ Ramadzi (administracyjny centr pravincyi Anbar) — hałoŭnaja prablema, jakija abciažarvajuć prasoŭvańnie irakskich sałdat.
