Źmicier Vajciuškievič i Pauline zapisali lehiendarnuju pieśniu «Byvajcie zdarovy!» dla prajektu «Biełsatu» dy «Tuzinu hitoŭ» «Novaje pakaleńnie na Novy hod».
«Hetaja pieśnia nikoli nie hublała svajoj aktualnaści. Asabliva darečy jana hučyć uzimku. Asabliva ŭ čas, kali kryzis. Heta naša pasłańnie ŭsim biełarusam. Vielmi chočacca, kab u nas usio zaŭždy było dobra, tamu i piajom jaje!», – kažaŹmicier Vajciuškievič u vykanańni jakoha ŭžo ŭ nulavyja hety śpieŭ atrymaŭ druhoje dychańnie.
U pieśni «Byvajcie zdarovy» cikavaja historyja. Jaje ličać svajoj rasiejcy i ŭkraincy, isnuje taksama varyjant pa-litoŭsku. Biełaruski tekst byŭ napisany ŭ 1936 hodzie. A pieršaj tvor praśpiavała maci Adama Rusaka, jakaja pakłała słovy syna na viadomy ŭ ich rodnaj vioscy Piasočnaje viasielny matyŭ. Paralelna svaju miełodyju na «Byvajcie zdarovy» prydumaŭ sakurśnik Rusaka pa Mienskim muzyčnym technikumie Isak Luban, a na rasiejskuju pierakłaŭ Michaił Isakoŭski, jaki pamyłkova pryniaŭ tekst za narodny i peŭny čas mienavita jaho ličyli aŭtaram muzyki. U 40-ja hady «Byvajcie zdarovy» hučała ŭ roznych vykanańniach na radyjo, u kinafilmach, vydavałasia na hrampłaścinkach. Najbolšuju viadomaść u biełaruskamoŭnym varyjancie jana atrymała ŭ vykanańni Łarysy Aleksandroŭskaj (1942).
Viersija Vajciuškieviča była zapisanaja dla prajektu «Ja naradziŭsia tut» (2000), z taho času jana tryvała ŭvajšła ŭ repiertuar śpievaka.
Mienavita joju vyrašana było ŭpryhožyć prajekt «Novaje pakaleńnie na Novy hod», dla jakoha Źmicier Vajciuškievič vykanaŭ jaje žyŭcom razam ź pijanistamKanstancinam Haračym i bajanistam Alaksandram Šuvałavym u duecie ź śpiavačkaj Pauline (Palinaj Cimochinaj).
«Duet sa Źmitrom atrymaŭsia niečakana i spantanna. My musili adlustravać u našym numary suviaź pamiž dvuma pakaleńniami. A sama pieśnia – heta jak ŭvasableńnie dobrych tradycyj, jakija my šanujem i pieradajem adno adnomu. Mnie zdajecca, ekśpierymient atrymaŭsia ŭdały, ciopły, dušeŭny. Toje, što treba dla siamiejnaha śviata!», – kaža Paŭlina, jakaja sioleta pryznanaja adkryćciom hodu ŭ biełaruskaj muzycy.
Pieśnia «Byvajcie zdarovy» była zapisanaja dla prajektu «Novaje pakaleńnie na Novy hod», videaviersiju jakoha možna pahladzieć 31 śniežnia 2015 u 23.15 (pa biełaruskim časie) na telekanale «Biełsat».
