Umovy pastaŭki rasijskaj nafty ŭ Biełaruś u 2016 hodzie nie pahoršacca, zajaviła BiełaPAN pres-sakratar kancerna «Biełnaftachim» Maryna Kaściučenka.
Pavodle jaje słoŭ, takuju vysnovu možna zrabić na asnovie padpisanych z rasijskimi naftavymi kampanijami kantraktaŭ.
«Zaklučeńnie dahavoraŭ praktyčna zavieršanaje», — skazała pres-sakratar.
Na pytańnie ab canie nafty dla Biełarusi jana adkazała: «Cana ŭ suviazi z prypynieńniem padatkovaha manieŭru pakul zastajecca takoj ža, na ŭzroŭni 2015 hoda. Ale viadziecca praca pa ŭliku ŭ canie jakaści nafty, i pakul jana nie zavieršanaja. Vy viedajecie, što jakaść nafty paharšajecca, pra što havorać i rasijskija naftaviki, i rasijskija ŚMI, jana stanovicca bolš ciažkaj, što vyklikaje peŭnyja pytańni».
Jana taksama zaznačyła, što biełaruskija naftapierapracoŭčyja zavody pracujuć u štatnym režymie. «Zahruzka biełaruskich NPZ u kancy śniežnia — studzieni nie vyklikaje sumnieńniaŭ», — skazała Kaściučenka.
