kommersant.ru
Vice-premjeru rasijskaha ŭrada Dźmitryju Rahozinu zabaranili ŭjezd va Ukrainu. Pra heta havorycca ŭ adkazie Słužby biaśpieki Ukrainy na zapyt vydańnia «Apostraf».
SBU taksama paviedamiła ab zabaronie na ŭjezd dla polskaha deputata Jeŭraparłamienta Januša Korvina-Mikie.
***
Rahozin kuryruje va ŭradzie Rasii abaronna-pramysłovy kompleks, avijacyjna-kaśmičnuju halinu i sudnabudavańnie. Jon pastajanna vystupaje suprać palityki Ukrainy, a ŭ mai 2014 hoda pakinuŭ u svaim tvitary zapis ab «ščaście być u adnym akopie z abaroncami Słavianska».
Januš Korvin-Mikie ŭ śniežni 2015 naviedaŭ Krym, prylacieŭšy na paŭvostraŭ praz Maskvu. Ministerstva zamiežnych spraŭ Polščy nazvała jaho rašeńnie biezadkaznym i zajaviła, što Polšča, jak i inšyja krainy ES, nie pryznajuć dałučeńnie Kryma da Rasii. Vizit deputata ŭ Krym taksama asudziŭ staršynia Jeŭraparłamienta Marcin Šulc.
