Kancler Hiermanii Anhieła Mierkiel u svaim navahodnim zvarocie zaklikała suhramadzian hladzieć na prytok nielehalnych mihrantaŭ u krainu jak na karyść dla ekanomiki.
Pryvioŭšy ŭ prykład krainy, jakija ekanamična vyjhrali ad prytoku mihrantaŭ, Mierkiel nazvała prybyćcio miljona suiskalnikaŭ prytułku ŭ krainu «šancam dla zaŭtrašniaha dnia».
Pryznaŭšy, što intehracyja takoj kolkaści mihrantaŭ stanie vyprabavańniem dla Hiermanii, Mierkiel zaklikała niemcaŭ da adzinstva.
«U nastupnym hodzie budzie asabliva važnaja adna reč: zhoda pamiž nami. Vielmi važna, kab my nie dazvolili sabie padzialicca», - skazała kancler.
U Hiermaniju na praciahu 2015 prybyło bolš za miljon čałaviek z krain, jakija paciarpieli ad vajennych dziejańniaŭ, a taksama ekanamičnych mihrantaŭ. Kancler Anhieła Mierkiel paśladoŭna prytrymlivałasia palityki «adčynienych dźviarej», zaklikajučy krainy Jeŭrasajuza bolš achvotna prymać biežancaŭ.
Z usich jeŭrapiejskich krain Hiermanija pryniała najbolšuju kolkaść mihrantaŭ.
