Z 1 studzienia 2016 žychary Litvy, jakija atrymlivajuć samyja nizkija dachody, buduć płacić mienš padatkaŭ — pavyšajecca pamier nieabkładanych padatkami dachodaŭ i minimalny zarobak. Taksama pavyšajucca piensii pa staraści.
Z 1 studzienia nieabkładany padatkami pamier dachodaŭ pavyšajecca na 34 jeŭra — z 166 da 200 jeŭra. Dadatkovy nieabkładany padatkami pamier dachodaŭ za dziaciej ŭzraście ŭ dva razy - z 60 da 120 jeŭra.
Minimalny zarobak pavyšajecca na 25 jeŭra — da 350 jeŭra (7 młn 105 tys. biełaruskich rubloŭ u ekvaivalencie). Minimalny zarobak jašče raz budzie pavyšany ŭ lipieni - da 380 jeŭra.
Nahadajem, što ŭ Biełarusi z 1 studzienia minimalny zarobak pavyšany da 2 młn 300 tys. rubloŭ.
Sa studzienia ŭ Litvie niaznačna pavyšajucca i piensii - płanujecca, što siaredniaja piensija pa staraści, jakaja składaje 265 jeŭra, kali jość nieabchodny staž, pavysicca prykładna na 8 jeŭra (5,54 młn biełaruskich rubloŭ u ekvivalencie).
U Biełarusi pamier siaredniaj pracoŭnaj piensii składaje 2 młn 844 tys. rubloŭ, siaredniaja piensija pa ŭzroście — 2 młn 897,3 tys., minimalnaja pa ŭzroście (z ulikam dapłaty da jaje) - Br2 młn 90,2 tys. Siaredni pamier sacyjalnaj piensii — 1 młn 419,7 tys..
